İsrael bügen formal räweştä Xalıqara Yustitsiä Mäxkämäseneñ İsraelneñ Könbatış Yarda divar tözüenä qarata nindi dä bulsa qarar çığaru xoquqın şik astına quydı.
Hague'ta urnaşqan bu mäxkämägä cibärelgän räsmi xatta – "terror qurqınıçı" turında süz bara, bu xaqta xäbär itkän İsrael Radiosı başqa törle mäğlümat birmäde.
Mäxkämä Berläşkän Millätlär Oyışması äğzaläre häm Fälestin xökümätennän ğınwar axırına qadär räsmi belderü xatları alıp alarnı 23nçe fevral könne ütäçäk tıñlawlarğa äzerliäçägen belderde. BMO General Assamblyesı İsraelneñ fälestin cirlären ayırğan zur divarnı tözüneñ qanuni bulu-bulmawın tikşerüne sorap mäxkämägä möräcäğät itkän ide.
İsrael – älege divar intixar terrorçılarınnan saqlanır öçen kiräk, dip belderep kilä. Fälestin citäkçelege divarnı "Aparteid stenası" dip atıy häm anıñ fälestin cirlärendä tözelüenä täñqit belderä.
