Hämäs suğışçılarınıñ ruxi citäkçese şeix Ahmed Yassin, Fälestin totqınnarın törmädän çığarır öçen İsrael xärbilären urlaw mömkinlege belän yanadı. Fälestinnärne irekkä çığarunıñ başqa yulı yuq, dide ul. Mäğlüm bulğança kilä İsrael belän Livannıñ Hizbullah suğışçan törkeme arasında totqınnarnı almaşu çarası uzdı. İsrael ber eşquar häm 3 xärbineñ mäyetenä almaşqa 30 ğaräp totqının häm 400 fälestinne törmädän çığardı. Soñğı 20 yılda bu – totqınnar almaşunıñ iñ zur çarası buldı.
Kiçä Jerusalimda bulğan terror höcüme öçen Al Aqsa Brigadaları häm Hämäs cawaplı buluların belderde. İsrael ğaskärläre bügen Beitlehemda tikşerülär uzdırıp intixar terrorçınıñ öyen şartlattı, dip xäbär itelä.
