Accessibility links

сишәмбе, 6 декабрь 2016, Казан вакыты 15:16

Qorban bäyrämenä äzerlek çaraları bara


Başqortstan prezidentı Mortaza Räximov respublik möselmannarın iñ qäderle bäyrämnärebezneñ berse – Qorban bäyräm belän qotladı.

Başqortstan möselmannarı yıl buyı kötep alğan Qorban bäyrämen bıyıl da bik zurlap ütkärergä äzerlänä. Ufada 1 febräl könne Cämiğ mäçetendä, şulay uq «Lälä – Tyülpän», «İxlas», «Ğufran» mäçetlärendä häm Märyäm Soltanowa isemendäge mädräsädä bäyräm çaraları ayıruça tantanalı ütäçäk.

Ufadağı «İxlas» mäçetendäge bäyräm çaralarına bik küp keşe kiläçäk. Mäçetneñ imam – xatibı Möxämmät xäzrät Ğalläm äytüençä, anda bäyrämneñ berençe könenä qorban öçen rayonnardan yöz yegerme sarıq häm sigez baş siır malı kiterelä. Telägän här möemin möselman, xälennän kilsä, alarnı satıp alıp, qorban çaldıra ala. Möxämmät xäzrät Amerik Quşma Ştatlarında, Finlyändiädä, Australida, Germanida häm Törkiädä yäşäwçe millättäşlärebezdän häm din qardäşlärebezdän dä üz isemnärennän qorban çaldıru öçen täqdim – üteneçlär buluın äytte. «İxlas» mäçetendä bäyrämgä kilüçelär öçen aş mäclese dä äzerlänä. Berniçä qazanda aş häm tämle pılaw peşerü küzdä totıla.

«İxlas» mäçetendä bäyräm çaraları 2- 3 febräl könnärendä dä däwam itäçäk. Misal öçen, 2 febräl könne biredä tanılğan folklorçı ğälimä häm mönäcätlär başqaruçı Rozali Soltangäräyewä qatnaşlığında xalıq cırları häm mönäcätlär kiçäse ütkärelä.

Başqortstan möselmannarı diniä näzaräte räise möfti Nurmöxämät xäzrät respublikada yäşäwçe möselmannarğa bäyräm qotlawı belän möräcäğät itte. «Azatlıq» radiosı aşa da ul dönyanıñ törle poçmaqlarında yäşäwçe millättäşlärebezne häm din qardäşlärebezne ixlas täbrik itä.

(yazma)

Sez Başqortstan möselmannarı diniä näzaräte räise, möfti Nurmöxämät Niğmätullinnıñ Qorban bäyräme uñayınnan qotlawın tıñladığız. Nurmöxämät xäzrät äytüençä, respublik rayonnarındağı mäçetlärdä häm mäxällälärdä dä bıyılğı bäyrämneñ bik zurlap oyıştırılaçağın äytte. Qayber rayonnarda yaña mäçetlär açu tantanaları da qaralğan.

Qorban bäyrämenä soñğı yıllarda säxnä ostaları da iğtibar birä başladı. 1 febräl könne Başqortstan däwlät filarmonisında Qorban bäyräm uñayınnan xäyriä konsertı oyıştırıla. Anda kürenekle cırçılar Färidä Qudaşewa, Ramazan Yänbäqov, Näzifä Qadirowa häm tağın distädän artıq artist qatnaşaçaq.

Şunısın da äytik, Başqortstandağı üzäk diniä näzaratı bulışlığında xac säfärenä çıqqan 140 bäxetle möselman bıyılğı Qorban bäyrämen Söğud Ğäräbstanında qarşıli.

Fänis Fätxi, Ufa.

XS
SM
MD
LG