Accessibility links

шимбә, 10 декабрь 2016, Казан вакыты 00:19

İsrael belän Fälestin arasında diwar tözü mäsäläsen kem tikşerergä tieş?


Quşma Ştatlar häm Yevropa Berlegeneñ "İordannıñ könbatış yarında diwar tözü mäsäläsen Xalıqara Yustitsiä Mäxkämäse xäl itä almıy" digän fikerenä İsrael bügen xuplaw belderde. Uzğan ayda Berläşkän Millätlär Haagada urnaşqan Mäxkämäne, İsrael tözegän diwar ni däräcädä qanuni bulaçaq, digän sorawnı tikşerergä sorağan ide. Mäxkämä Fivrälneñ 23-enä tıñlawlar bilegläde, häm BMOnıñ äğza-illären häm Fälestin Üzidaräsen yazmaça qaraşların Ğinwarnıñ 30-na qädär tapşırırğa soradı. Fälestin Üzidaräse, Mäxkämäneñ bu mäsäläne tikşerü xoquqın yaqlap çıqtı. Ä menä räsmi Washington, bu eşkä Mäxkämäne qatıştıru, Yaqın könçığışta solıx urnaştıru tırışlığına zıyan kiterä ala dip sanıy. Däwlät departamentı wäkile Richard Boucher süzlärençä, Quşma Ştatlar bu turıda Mäxkämägä räsmi belderü cibärgän:

Audio (Richard Boucher)

Bu belderüdä Quşma Ştatlarnıñ elekke qaraşı äytelä, Mäxkämä İsrael belän Fälestin arasında söylöşülär başlaw tırışlığına zıyan kiterä ala. Xäräkät, 4 aradaşçı äzerlägän solıx yulı dip atalğan plan yünäleşendä barırğa tieş."

Yevropa Berlegendä räislek itkän İrlandiä Tışqı eşlär ministrı Brian Cowen, Yevropa Berlege diwar mäsäläsen Mäxkämädä tikşerügä qarşı. Läkin berük waqıtta ul İsraelneñ bu diwarnı tözü niätenä dä qarşı.

XS
SM
MD
LG