Accessibility links

җомга, 9 декабрь 2016, Казан вакыты 16:45

Söğüd Ğäräpstanında xac qılu waqıtında 244 keşe ülgän


Söğüd Ğäräpstanı xac ministrı İyad Mädäni süzlärençä, bügen Minada xac qılu yolası waqıtında 244 keşe ülgän, tağın 240tan artığı cäräxätlär alğan. Mäkkä yanındağı Minada, xacnıñ "şaytanğa taş atu" dip atalğan yolası waqıtında, berniçä keşe abınıp yığılğannan soñ, arttan kilüçelär alarnı taptap kitkän, näticädä eteşü-törteşülär başlanğan. Mäkkä belän Mädinägä Söğüdneñ östämä politsiä köçläre kiterelgän

Rusiäneñ Er-Riadtağı ilçelege qorbannar arasında Rusiä watandaşları yuq, dip belderde. Söğüdtäge Xac oyıştıruçı wäkil Magomed Gamzaev İtar-Tass agentlığına äytüençä, ülüçelär arasında Rusiä xaciläre bulmasqa tieş, çönki alar, Mina üzänlegenä könneñ ikençe yartısında barırğa tieş bulğan.

Xac qılırğa küp sanlı keşe kilü säbäple, mondıy qazalar yış bula. 1990 yılda Mäkkädä 1400 xacineñ ğömere özelgän ide. Uzğan yıl anda 14 keşe taptalıp ülde. Bıyıl xac qılu yolasında 2 millionğa yaqın möselman qatnaşa. Bügen alar izge Ğäit Äl-adha bäyrämen bäyräm itä başladı.

XS
SM
MD
LG