Accessibility links

Кайнар хәбәр

Ğiraqnıñ Erbil şähärendä 2 intihar xöcüm näticäsendä kimendä 56 keşe xäläk bulğan


Ğiraqnıñ tönyağında, Erbil şähärendä bulğan 2 intihar xöcüm näticäsendä distälägän keşe xäläk bulğan. Kilgän xäbärlärgä qarağanda, 2 xöcümçe Kördlärneñ töp firqäläre, Demokratik partiä häm Patriotik Berlekneñ baş-fatirları yanında üzlären-üze şartlatqan. İsän qalğan ber şahit äytüençä, bu waqıtta binada Qorban bäyrämen bäyräm itkännär:

Audio (şahit)

"Bez Qorban bäyrämen bäyräm itä idek. Baş-fatirğa küp kenä qunaq cıyıldı: törkmännär, kördlär. Şartlaw miña yaqın buldı. İntiharçı belän minem arada 2-3 keşe bar ide, şuña ğına isän qaldım."

Qorbannar sanı turında tögäl mäglümät yuq. Amerikan generalı Mark Kimmit süzlärençä, kimendä 56 keşe xäläk bulğan, 200dän artığı yaralanğan. Associated Press agentlığı, iseme äytelmägän ber körd ministrınıñ, qorbannar sanı 100gä citergä mömkin, digän süzlären kiterä. Reuters xäbärenä qarağanda, qorbannar arasında berniçä yuğarı räsmi bar, şul isäptän, Erbil töbägeneñ citäkçe urınbasarı.

Ğiraqtan kilgän başqa xäbärlär:
bügen Kirkuk şähärendä bulğan xöcüm näticäsendä 4 politsiä xezmätkäre yaralanğan.
Karbela şähärendä qoral saqlanmasında bulğan şartlaw näticäsendä 20 keşe ülgän. Bu cirle keşelär qoral urlamaqçı bulğan dielä.
Ğiraqnıñ İdarä Şurasında bügennän başlap yaña citäkçe: İslam partiäse başlığı, şiği möselman Möxsän Äbdel-Xämit.
bügen Bagdadqa Ğiraq suğışı arxitektorlarınıñ berse, Quşma Ştatlar saqlanu ministrı urınbasarı Paul Wolfowitz kilde.
XS
SM
MD
LG