Accessibility links

якшәмбе, 4 декабрь 2016, Казан вакыты 19:19

İranda 100dän artıq deputatı Saqçılar Şurasına protest belderep, wazifasınnan kitte


Qadimçe Saqçılar Şurasınıñ saylaw eşlärenä tıqşınuwına protest belderep, İrannıñ 100dän artıq deputatı bügen wazifasınnan kitte. Bu turıda Mäcles räise Mähdi Karrubi iğlan itte:

Audio (Mähdi Karrubi)

"Mäclesneñ 109 deputatı urınınnan kitü turında ğariza tapşırdı. Bu barıbız öçen dä: xalqıbız öçen dä, räsmilär öçen dä küñelsez xäbär."

Mäclestä çığış yasap Karrubi, 4 meñläp namzätne, şul isäptän xäzerge 87 deputatnı kiläse saylawlardan çitlätkän öçen Saqçılar Şurasına kisken tänqit belderde. "Parlamentnı Saqçılar Şurası tügel, ä xalıq saylarğa tieş" dide ul. Mäclesneñ İminlek komitetı başlığı Möxsin Mirdamadi deputatlarğa möräcägät itep, Parlamentnı tarqatmasqa çaqırdı:

Audio (Möxsin Mirdamadi)

"Bügen bezneñ töp maqsat – irekle häm bäysez parlamentnı saqlap qalu. Mäcles inqilabnıñ töp qazanışi häm diktaturağa qarşı torunıñ tamğası ide."

Mähdi Karrubi süzlärençä, prezident Möxämmät Xattami İrannıñ ruxi citäkçese Ayatolla Ali Xömäneinı çaralar kürergä sorarğa cıyına.

XS
SM
MD
LG