Accessibility links

чәршәмбе, 7 декабрь 2016, Казан вакыты 11:35

Aziädä tağın 2 keşeneñ qoş gribınnan ülüe raslandı


Bu awıru qorbannarı sanı 12-gä citte. Germaniädä ber keşeneñ qoş gribı belän awıruı turındağı farazlar bu çir Yewropağa da kilep citkän digän borçılularğa säbäp buldı. Bügen Vietnamda 18 yäşlek ber ir-at hälak buldı. Kiçä taylanda ülgän 58 yäşlek xatın-qıznıñ da qoş gribı belän awırğanlığı raslandı. Dönya Sälamätlek Oyışmasınıñ Vietnamdağı wäkile Robert Ditez bezneñ oyışma uzğan ayda Vietnamda hälak bulğan apalı-señelle qızlarnıñ bu awırunı üzläreneñ ir-tuğanınnan yoqtırğan bulu mömkinlegen tikşerä dide. Älegä qoş gribı awruınıñ keşedän-keşegä küçü oçrağı mäğlüm tügel. Germaniäneñ Hamburg şähäre xakimiätläre küptän tügel Tailandtan qaytqan ber xatın-qıznıñ qoş gribı bilgeläre belän xastaxanägä salınuı turında belderde. Xäzer anı tikşerü eşläre bara. Bügen Qıtay tağın 5 qoşta grip awıruı bulu mömkinlege turında belderde. Rusiä Qıtaydan qoş ite alunı waqıtlıça çikläwe turında belderde.

XS
SM
MD
LG