Accessibility links

шимбә, 10 декабрь 2016, Казан вакыты 23:40

Yevropa Berlege belän Russiä arasında kiñäyü belän bäyle qayber problemalar


Uzğan atnada Yevropa Berlege belän Russiä räsmiläre oçraşıp , Berlek kiñäyer aldınnan Mäskäv alğa sörgän taläplärne tikşerdelär. Yevropa Komissiäse Russiä Xezmättäşlek häm Partnerlıq kileşüen yaña 10 ilgä cäyelderergä tieş dip basım yasap kilde. Xäzer isä Yevropa Berlege räsmiläre söyläşülär häm bälkim qayber taşlamalar kiräk bulır dip belderälär.

Yevropa Berlegenä 10 yaña ağza aluğa öç aydan azıraq vaqıt qalğanda, Berlek belän Rusisä arasındağı mönäsäbätlärdä kiskennek sizelä. Russiä berlekneñ kiñäytelüe säbäple üzenä sävdä ülkäsendä zian kiläçäk, bu kompensatsiälänergä tieş digän taläptän tış, yaña ağza illärdäge rus telle azçılıqlarna qarağan häm Russiä vatandaşlarına vizanı beterü kebek politik taläplär dä quya.. Yevropa Berlege üz nävbätendä, Berlekne kiñäytü öçençe illärgä täsir itmi häm Yevropa Berlege belän tözelgän kileşülär yaña ağza illärgä dä qararğa tieş digän pozitsiädä tordı. Russiä monı kire qağa. İke atna elek Russiä Berlekneñ çirattağı prezidentı İrlandiägä , 1-nçe maydan yäğni kiñäytü köçkä kermästän elek xäl itelergä tieşle 14 mäsälädän torğan isemlek tapşırdı. Uzğan Comğada Russiäneñ sävdä häm ekonomik täräqqiät ministere German Gref, Brüsseldä Yevropa berlegeneñ sävdä komisarı Pascal Lemy belän söyläşülär alıp bardı. Lemyneñ szçese Arança Gonzales qayber taläplär küzdä totılaçaq dip belderde.

Audio

"Bez Russiä yağınnan qayber borçılular aldıq häm alarnı tikşeräbez. İsemlektä Berlekne kiñäytü belän bäyle mäsälälär bar. Ber misal kiterim-Russiädän qorıç produktlarına quyılğa quota . Älbättä, bez kiñäygännän soñ kandidat illär belän Russiä arasındağı sävdäne küz aldında totıp quotaın yaraqlaştıraçaqbız."

Gonzalez Russiäneñ başqa taläpläre kiñäyü belän bäyle yügel , şul säbäple kire qağılalar dip belderde. Ul Russineñ anıñ auıl xuçalığı produktlarınıñ sälämätlekkä zianı turındağı kontrolne yomışartu taläben misal itep kiterde. Läkin isemlektäge 14 taläpneñ qayberläre nindider ber däräcädä kiñäyü belän bäyle. Mäsälän Russiä eksport tovarlarınıñ bäyälärenä qarşı Yevropa Berlegeneñ çaraların küzdän kiçerü, Berlekneñ eksport auıl xucalığı produktların subsidiälävne kimetü, energiä importı miqdarın çikläv , oçqıçlarnıñ tauışı belän bäyläneşle qäğidälär qia räveştä genä Berlekne kiñäytü belän bäyle. İsemlektä ozın ber paragraf Kaliningradnıñ Litvadan taläp itkän taşlamalarına qarıy. Russiäneñ taläpläre arasında üz vatandaşlarına viza rejimın beterü häm Estoniä belän Latviädäge küpsanda vatandaşsız rus tellelär problemmasın tizlek belän xäl qılu taläbe dä bar. Komissiä räsmiläre şuşı ike taläpne dä kire qaqtılar. Süzçe Emma Udvin xanım radiobız xäbärçesenä bolay dide

Audio

"Bez ağzalıqqa äzerlek protsesı vaqıtında rus azçılığınıñ vazğiäte yaxşırdı dip ışanabız. Ağzalıq alarnıñ xälen tağı da yaxşırtaçaq. Şul säbäple bez ağzalıqnı kiçekterüe öçen säbäp kürmibez."

Russiä isemlegendä Estoniä häm Latviädä vatandaşlıq alu öçen kiräk bulğan tel testın beterü häm rus tellelär uqmaşıp yäşägän täbäklärdä Rusçanı räsmi tel itep faydalanu mömkinlege dä taläp itelgän. İmeş bu ike Baltıyq ilendä Yevropa Belegendäge başqa illärdä bulğanı kebek milli azçılıqlar saqlanırğa tieş. Yebropa berlege räsmise Estoniä belän Latviä oyışmada ağza bulğannan soñ, azçılıqlarnı saqlay standartı bik yuğarı bulaçaq dip belderde. Russiä vatandaşlarına Yevropa Berlegendä vizanı beterü taläbenä kilgändä, Yevropa Berlege komissiäse bu ozın möddätle mäsälä dip belderde. Bu inde bu xaqtağı söyläşülär un yılğa da suzıla ala digän mäğnägä qaytıp qala.

Färit İdelle, Praga.
XS
SM
MD
LG