Accessibility links

Tönyaq Koreanıñ atom programması turında söyläşülär 25 fevral'gä bilgelände


Qıtay tışqı eşlär ministrlığı 25-nçe fevral'dä Qıtay Tönyaq Qoreanıñ atom programması turında 6 yaqlı söyläşülärneñ yaña öleşen citäkliäçäk dip belderde Bu turıda ministrlıq wäkile Jañ Qiyue iğlan itte:

AUDİO: 6 yaqlı söyläşülärdä bezneñ töp maqsat Korea yarımutrawında tınıçlıq häm totrıqlılıq saqlaw häm anda atom qoralları buldırmaw. Qıtay bu maqsatta başqa taraflar belän bergä eşçänlekne däwam itärgä teli. Bez bu söyläşülärdä urtaq tırışlıq belän yaxşı näticälärgä ireşerbez dip ömelänäbez.

Bügen Tönyaq Koreanıñ räsmi xäbär agentlığı Pxenyan başqa taraflar belän bu söyläşülärneñ köne turında kileşte dide. Bu söyläşülärdä AQŞ, Rusiä, Qıtay, Könyaq Korea häm Yaponiä qatnaşa. AQŞ Tönyaq Korea atom qoralları programmalarınıñ ışanıçlı räweştä yuq itelüen teli. Pxenyan isä monıñ öçen Waşington tarafınnan iminlek tä'min itelüe häm iqtisadıy çigeneşlär kiräk bulaçaq dip belderä.
XS
SM
MD
LG