Accessibility links

Кайнар хәбәр

Ukraina parlamentı Kuçmanıñ konstitutsion üzgäreş täqdimen kire qaqtı


Ukraina parlamentı prezident Leonid Kuçma tarafınnan yaqlanğan, 2006-nçı yılda prezidentnı parlamentta saylaw turındağı qarşılıqlı qanun proyektın kire qaqtı. 450 deputatnıñ 304-e konstitutsiäne Kuçma täqdime belän şulay üzgärtügä qarşı çıqtı. Ukrainanıñ xäzerge konstitutsiäse nigezendä prezidentnı böten il saylarğa tieş. Kuçma üz täqdimen yaqlağanda bu Ukrainanı könbatış demokratiälärenä yaqınlaştıraçaq, parlamentnıñ köçen arttıraçaq digän dälillär kitergän ide. Ämma oppozitsiä Kuçma üz möddäte tämamlanğanda maxsus räweştä il prezidentın köçsezräk itärgä, üz warisına mömkin qädär azraq xakimiät qaldırırğa tırışa dip tänqitläde. Kuçmanıñ bu täqdimenä Yewropa Şurası, Yewropa Berlege häm Quşma Ştatlar da borçılu belderde. Ukrainada kiläse prezident saylawları üktäber ayında ütärgä tieş.
XS
SM
MD
LG