Accessibility links

якшәмбе, 11 декабрь 2016, Казан вакыты 11:15

Totıqlar yärdämendä fatir alıp bulamı?


Uzğan atna axırında Tatarstan däwlät muzeyında üzen afğan suğışında qatnaşqan veteran dip iğlan itüçe totıqlar alıp, aña fatir satıp alırğa aqça birüne häm Qazan merı Kamil İsxaqov belän oçraşunı taläp itkän, digän xäbär taraldı. Läkin respublikanıñ Eçke eşlär ministrlığı, bu bernindi dä cinayät tügel, bez barı tik militsiä xezmätkärläre öçen uqular ğına ütkärdek, dip belderde. Bu xaqta Däwlät muzeyına yanına cıyılğan jurnalistlarğa Eçke eşlär ministrı Äsxät Säfärov ta äytte. Alay da, berniçä kön ütkännän soñ, älege waqiğanıñ uqular tügel, ä çınbarlıqta qılınğan cinayät buluı açıqlandı. Cinayätçe totılğannan soñ, anıñ bernindi dä suğış veteranı tügel, ä berqayda da eşlämi torğan, elek xökem tartılğan keşe keşe buluı açıqlana. Citmäsä, ul äle bik ayıq ta bulmıy. Totıqlarnı şartlatırğa dip alınğan şartlatqıçı da barı tik uyınçıq qına bulıp çığa anıñ. Menä şundıy “uqular” ütä comğa könne Qazanda.



Gölnaz İlgizär

XS
SM
MD
LG