Accessibility links

җомга, 9 декабрь 2016, Казан вакыты 16:40

Blair Hutton tikşerüe näticälären yaqlap çıqtı


Britaniä premyer ministrı Tony Blair Ğiraqnıñ küpläp üterü qorallarınnan yanağan qurqınıçnı arttırup kürsätü ğäyepläwläre uñayınnan ütkärelgän tikşerü näticälären yaqlap çığış yasadı. Bu tikşerü Britaniä xökümätenä qarşı belderelgän älege ğäyepläwlärne kire qağa. Blair parlamentnıñ tübän palatasında çığış yasap xäkim Hutton citäkçelegendä ütkärelgän tikşerü näticälären yaqladı. Tikşerü näticäläre BBCnıñ Blair xökümäte Ğiraqtan yanağan qurqınıçnı arttırıp sürätlägän digän ğäyepläwlärne nigezsez tapşıruın kürsätte. Kiçä Blair küzläw oyışmalarınıñ Ğiraqtağı qorallar mäs'äläsendä yalğışqan bulu mömkinlegen räsmi räweştä tikşerergä färman birde. Bügen suğışqa qarşı aktivistlar parlamenttağı debatlarnı berazğa tuqtatıp toruğa ireşte. Şul uq waqıtta Blairğa qarşı yaña tänqit höcüme başlandı. Elek qoral belgeçe bulıp eşlägän Brian Jones Britaniä xökümäte üz belgeçläreneñ Ğiraqtağı qoral programmaları turındağı ğäyepläwlär raslanmağan digän kisätülären iğtibarğa almadı dide.

XS
SM
MD
LG