Accessibility links

җомга, 2 декабрь 2016, Казан вакыты 23:05

Qoş gribınnan Tailandta tağın ber malay, Vietnamda ber qız ülde


Tailand qoş gribınnan ber malaynıñ ülüe, häm ul malaynıñ ildä älege awırunıñ inde 5-nçe qorbanı buluı turında belderde. Bügen Vietnam da qoş gribınnan tağın ber qıznıñ ülüe turında xäbär itte. Qıtay könyaq-könbatıştağı Yunnan ölkäsendä tağın ber qoş gribı oçrağı raslandı, häm tağın ike şikle oçraq tabıldı dip belderde. Dönya Sälamätlek Oyışması wäkile Peter Cordingley qoş gribı bik tiz tarala dide:

AUDİO: Awıruğa iñ berençe cawap, tawıqlarnı üterergä kiräk. Alar bik küpläp üterelä, ämma bez bu virus tawıqlarnı üterüçelär eşlägännän tizräk tarala dip uylıybız. Awırunıñ taraluı däwam itä. Xäzer ul inde Qıtaynıñ 12 ölkäsendä tabıldı. Häm bu awıru tağın da nığraq taralır dip isäplärgä härtörle nigez bar.

Meditsina belgeçläre äytüençä, qoş gribı keşe gribı belän quşılıp mutatsiä barlıqqa kilergä häm bu yaña virus keşelär aşa da tarala başlarğa mömkin. Älegä qoş virusı keşedän keşegä küçä almıy dip sanala.

XS
SM
MD
LG