Accessibility links

чәршәмбе, 7 декабрь 2016, Казан вакыты 11:52

Iran xökümäte säyäsi krizisnıñ çişelüenä ömetlänä


İran xökümäte 20-nçe fevral'gä bilgelängän parlament saylawların waqıtında ütkärü öçen säyäsi krizisnı çişü mömkinlegenä ömet belderde. Xökümät wäkile Abdulla Ramazanzadä İrannıñ yuğarı ruxi citäkçese Ayatulla Ali Xamenei belän söyläşülär näticäsendä irtägä töştän soñ çişeleş tabılırğa mömkin dide. Ramazanzadä äytüençä Xamenei ilneñ Saqçılar Şurasına säyäsi krizisqa säbäp bulğan qararlarnı ikençe märtäbä yañadan qararğa färman birgän. Saqçılar Şurası 2 meñnän artıq reformaçıl namzätlärne parlament saylawlarınnan çitläşterü turında qararlar qabul itkän ide. Bügen Xamenei üze dä bu krizisnı çişep bula dide. Ämma ul reformaçıl köçlärneñ saylawlarnı kiçekterü taläben kire qaqtı. Xamenei däwlät televideniese aşa çığış yasap saylawlarnı waqıtında ütkärü xökümätneñ burıçı häm saylawlar ber köngä dä kiçekterelmiçä ütkärelergä tieş dide. Saqçılar Şurası qararlarına protest yözennän qayber reformaçıl köçlär saylawlarğa boykot iğlan itü belän yanadı, yäkşämbe könne 120-dän artıq deputat wazıyfalarınnan çigende.

XS
SM
MD
LG