Accessibility links

пәнҗешәмбе, 8 декабрь 2016, Казан вакыты 03:09

İrannıñ Saqçılar Şurası tağın 51 reformaçıl namzätkä saylwlarda qatnaşunı röxsät itte


İranda 20-nçe Fevral'dä ütäçäk parlament saylawlarınnan 2000-läp reformaçıl namzätne çitläştergän Saqçılar Şurası alarnıñ 51-enä saylawlarda qatnaşunı röxsät itte. Töp reformaçıl partiä başlığı, prezidentnıñ bertuğanı Möxämmät Riza Xatami älege 51 namzätneñ 8-9-ı xäzerge parlamentta protest belderüçelär dide. Saqçılar şurası xäzerge parlamenttağı 80-läp deputatnı da saylawlardan çitläştergän ide. Kiçä İrannıñ yuğarı ruxi citäkçese Ayatulla Ali Xamenei ildäge säyäsi krizisnı çişü öçen Saqçılar Şurasına üz qararların ikençe märtäbä yañadan qararğa quşqan ide. Ämma Möxämmät Riza Xatami kompromissqa ireşep bulmadı dide. Reformaçıl köçlär barlıq namzätlärgä dä saylawlarda qatnaşu röxsät itelmägän oçraqta bu saylawlarğa boykot iğlan itü belän yanadı.

XS
SM
MD
LG