Accessibility links

шимбә, 10 декабрь 2016, Казан вакыты 23:30

İzrail' politsiäse premyer ministr Şaronnan soraw aldı


Rişwätçelek cäncalına bäyle dip şiklänelgän İzrail premyer ministrı Ariel Şaron bügen 2 säğät çaması soraw aluğa tartıldı. Politsiä wäkile Gil Kleiman bügenge oçraşu elegräk ütkärelgän söyläşülärne yomğaqlaw maqsatında oyıştırıldı, häm Şaronnan soraw alunı däwam itärgä cıyınmıybız dide. Uzğan ayda Şaronnıñ berektäşe, İzrail' eşmäkäre David Appelğa 90-nçı yıllardağı küçemsez milek kileşüläre öçen Şaronğa rişwät birergä tırışuda ğäyepläw belderelgän ide. Şaronnı Appel faydasına qararlar çığarırğa ügetläw öçen Şaronnıñ ulı Gilad rişwät alğan dip şiklänelä. Şaron bu cäncalğa qatnaşlığı buluın kire qağa. Appel da, ul çaqta tışqı eşlär ministrı bulğan Şaronnıñ monda qatnaşı yuq dip täqrarlıy. Aldağı atnalarda prokurorlar Şaronğa ğäyepläw belderü-beldermäw turında qarar çığarır dip kötelä.

XS
SM
MD
LG