Accessibility links

сишәмбе, 6 декабрь 2016, Казан вакыты 22:53

Hamburg mäxkamäse 11 sinbäter terror höcümnärenä yardäm itüdä ğäyeplänüçe morokkolını aqladı


Germaniä mäxkamäse 2001 yılnıñ 11 sintäberendä Quşma Ştatlarğa qarşı terror höcümnärendä qatnaşqan äl-Qaidä äğzalarına yardäm itüdä ğäyeplänüçe Morokko watandaşı Abdelğani Mzudinı aqlaw qararı çığardı. Hamburg mäxkamäse xäkime mäxkamä Mzudinı anıñ ğäyebe yuq dip ışanğanğa tügel, ä aña qarşı citärlek dälillär bulmağanğa kürä aqladı dide. Amerikada terrorda zıyan kürüçelär mänfäğäten yaqlawçı xoquqçı mäxkamägä yaña dälillär kertergä teläwen beldersä dä, mäxkamä soñğı minutta bu möräcäğätne kire qaqtı. Mzudiğa keşe üterügä yardäm itü turında 3 meñnän artıq ğäyepläw, şulay uq terrorçılıq oyışmasına bäyle bulu ğäyepläwläre belderelgän ide. Ämma mäxkamä, Mzudi höcümdä qatnaşuçılarnıñ qayberläre belän bäyle bulsa da, anıñ terrorçılar planın belgänlegen raslawçı dälillär yuq digän qararğa kilde. Bıltır Hambur mäxkamäse şundıy uq ğäyepläwlär nigezendä başqa ber morokkolı Mönir Äl Motassadiqnı 15 yıllıq törmä cäzasına xökem itkän ide.

XS
SM
MD
LG