Äfğänstannıñ Qabilälär häm çik mäs'äläläre ministrı Möxämmät Arif Nurzai äytüençä, prezident Xämit Karzai ilneñ könyaq-könçığış çik buyında qorallı kütäreleşne citäkläwdä ğäyeplängän Paştun Patşaxan Zadrannı yarlıqağan.
Nurzai süzlärençä yarlıqawdan soñ Parşaxan Karzai xakimiäte belän xezmättäşlek itärgä wäğdä birgän.
Nurzai şulay uq, anıñ Zadran qabiläsendäge aqsaqallarğa tapşırılaçağı turında belderde.
Karzai süzçeseneñ urınbasarı Xämit Elmi Frans Press agenlığına Karzai Patşaxan yazmışı turında söyläşü öçen Paktia töbäge aqsaqalların Qabulğa çaqıraçaq dip äytkän.
Zadran berniçä märtäbä Äfğänstannıñ üzä xakimiätenä qarşı çıqqannan soñ 2002-nçe yılda Karzai anı qulğa alırğa färman birgän ide. Sişämbe könne anı Äfğänstan räsmilärenä Paqstan xakimiätläre tapşırdı.
