Accessibility links

шимбә, 10 декабрь 2016, Казан вакыты 23:29

Britaniä tışqı eşlär ministrı Jack Straw Qazaxstanda energetika ölkäsendä xezmättäşlek turında söyläşülär ütkärde


Straw Qazaxstan prezidentı Nursoltan Nazarbayev häm tışqı eşlär ministrı Qazimjomart Tokayev belän oçraştı. Straw älege säfär Britaniäneñ Qazaxstan belän mönäsäbätlärgä ni qädär zur ähämiät birüen kürsätä dide. Min monda Britaniäneñ Qazaxstan belän mönäsäbätlärenä zur ähämiät birüen kürsätü, Qazaxstannıñ bu töbäktä häm kiñräk mäydanda ähämiäten kürsätü öçen kildem dide Straw. Straw Qazaxstandağı investitsion tirälekne maqtaw belän ber ük waqıtta Britaniä Qazaxstannıñ çit il şirkätläre belän eşçänlegendä açıqlıqnı arttıru öçen kübräk tırışuın kürergä teli dide. Britaniäneñ berniçä şirkäte Qazaxstanda neft çığaru häm anı çitkä satu eşendä qatnaşa. Qazaxstan xökümäte belän kileşülärneñ rişwätkä bäyle buluı turında cäncallar häm küp kenä imeş-mimeşlär bar. Şuşı könnärdä ber amerikan eşmäkäreneñ neft'kä bäyle kileşülär öçen Qazaxstan xökümätendäge räsmilärgä rişwät birüe turındağı ğäyepläwlär nigezendä mäxakmä eşe bara.

XS
SM
MD
LG