Accessibility links

чәршәмбе, 7 декабрь 2016, Казан вакыты 21:34

Ğiraqta koalitsion köçlärgä höcüm itüdä şiklänelgän 6 keşe totıldı


Ğiraqta AQŞ ğäskärläre Säddam Xösäin xakimiätenä yaqın bäyläneşe bulğan häm koalitsiä köçlärenä qarşı höcümnär oyıştıruda şiklänelgän 6 keşene totqarladı. Uzğan töndä Säddamnıñ tuğan şähäre Tikritta tentü törkemen citäklägän leytenant polkovnik Steve Russell qulğa alınuçılarnıñ ikese elekke xakimiätneñ yuğarı däräcä tarafdarı bulğan dide. Bügen Nacaf şähärendä ğiraqta küpçelekne täşkil itüçe şiğilar citäkçese Ayatulla Ali äs-Sistani tarafdarları anıñ yortı yanına cıyıldı. Alar äs-Sistaninı üterergä tırışuçılar turındağı kiçäge xäbärlärdän soñ anıñ iminlege öçen borçılu belderde. Ämma äs-Sistaninıñ süzçese Xämit Çaffaf Qatardağı äl-Cäzirä televideniesenä interviewda ul xäbärlärne kire qaqtı. Ğiraq İdarä Şurasınıñ äs-Sistani belän yaqın elemtädä bulğan qayber äğzaları da kiçäge höcüm turındağı xäbärlärne kire qağa.

XS
SM
MD
LG