Accessibility links

якшәмбе, 11 декабрь 2016, Казан вакыты 05:21

Mäskäw metrosında bulğan şartlaw näticäsendä distälägän keşe xäläk buldı. Putin Masxadovnı terror ğämälenä bäyle buluda ğäyepläde


Comğa irtäsendä Mäskäw metrosında bulğan şartlaw näticäsendä distälägän keşe xäläk buldı, yözlägäne cäräxätlär aldı. Rusiä räsmiläre monı şunduq terror ğämäle dip atadı. Şartlawnı oyıştıruçığa kilgändä, inde berençe farazlar äytelä başladı

Audio (ambulance tawışı)

Comğa irtäse. Keşelär eşkä aşığa, metrolar şıplap tulğan çaq. Şartlaw Avtozavodskaya belän Paveletskaya stansiäläre arasında barğan poeznıñ 2nçe vagonında bulğan. Belgeçlär 5 kilogram çaması şartlatqıç turında söyli, ikençe vagon tulısınça yuq itelgän, qalğannarına zur zıyan kilgän. İsän qalğannar tünnel buylap cäyäwläp öskä çıqqan. Şahitlärneñ berse, işekne ozaq qına açıp bulmadı, qıçqırışular, panika başlandı dip söyli:

Audio (şahit)

Soñğı xäbärlärgä qarağanda ülüçelär sanı 50gä yaqın, cäräxätlänüçelär 200-läp. Bu sannar artırğa mömkin. Çönki här vagonda yözdän artıq, poezda - meñ-yarım çaması keşe bulğan. Qotqaruçılar 700-läp keşene öskä çığaruın belderä. Rusiä räsmiläre monı şunduq terror ğämäle dip atadı, prokuratura berniçä cinäyät eşe açtı. Oyıştıruçığa kilgändä, qapma-qarşı farazlar äytelä. Berençese älbättä Çeçen eze, intiharçılar. Mäskäw militsiäse "Kavkaz qiäfätle" 30 yäşlek yegetne ezli başladı. İmeş, şartlawğa berniçä minut qala ul metro xezmätkärenä kilep, "Xäzer sezgä bäyräm bulaçaq" digän süzlär äytkän. Mäskäw merı urınbasarı Valery Şansev intihar xöcüm farazın kire qaqtı. Anıñ süzlärençä, şartlatqıçnıñ eçlege dä tışlığı da bulmağan:

Audio (Valery Şansev)

Şansev süzlärençä, intiharçılar mondıy şartlatqıç qullanmıy, ixtimal, şartlatqıç vagonğa aldan quyılğan bulğan. Säyäsätçelärneñ kübese şartlawnı Rusiädä başlanğan saylawaldı kampaniäse häm Putinnıñ Çeçnya säyäsäte belän bäyli. Prezidentlıqa namzät İrina Xakamada, bu terror ğämäle Putinğa qarşı yasalğan, Çeçnyadağı xällär keşelärgä iminlek tä''min itmi dip belderde. Duma räise-urınbasarı Dmitri Rogozin, ildä ğädättän-tış xäl kertergä, saylawlarnı kiçekterergä çaqırdı. Prezident Putin, bu terror ğämäle belän Masxadov häm anıñ banditları bäyle ikänen moxaqqaq beläbez dip belderde:

Valery Şansev (Vladimir Putin)

Putin süzlärençä, terrorçılar belän söyläşülär bulmayaçaq, çönki bu alarnı yaña cinäyätlärgä etäräçäk. Rusiä terrorçılar belän söyläşmi, ul alarnı yuq itä dide prezident:

Valery Şansev (Vladimir Putin)

Aslan Masxadovnıñ wäkile Äxmät Zakaev maxsus belderü yasap, Masxadovnıñ bügenge şartlaw artında toruwın qatğıy räweştä kire qaqtı:

Audio (Äxmät Zakaev)

Xäzerge waqıtta Londondfa bulğan Zakaev bügen Mäskäwdä bulğan şartlawnı Mart ayında ütäçäk prezident saylawları belän bäyläde:

Audio (Äxmät Zakaev)

Zakaev süzlärençä, Rusiäneñ maxsus xezmätläre bu şartlawda tiz arada Çeçen eze tabaçaq:

Audio (Äxmät Zakaev)

Läkin soñraq monıñ artında maxsus xezmätlär toruı da açıqlanaçaq, dip sanıy ul:

Audio (Äxmät Zakaev)

Häm axırda, xörmätle tıñlawçılar, Tübän Novgorod häm ölkä diniä nazaräte räise Ğömär xäzrät İdrisov fikere. Bügen Mäskäwdä bulğan xällär turında Azatlıqqa ul bolay dip belderde:

Audio (Ğömär xäzrät İdrisov)

Ali Gilmi, Praga
XS
SM
MD
LG