Accessibility links

дүшәмбе, 5 декабрь 2016, Казан вакыты 07:43

Nijgar tatarlarınıñ milli-mädäni moxtariäte oyışa


Qazanda bu könnärdä Tübän Novgorodtan Firdäwes Wahapova bulıp kitte. Firdäwes xanım Nijgar ölkäseneñ Mäğrifät milli-mädäni üzäge räise, şul uq waqıtta ul ölkä möftieneñ kiñäşçese dä. Ul bezgä Tübän Novgorodta 7nçe fevral’ könne uzaçaq ber qızıqlı çara turında xäbär itte.

Bez Nijgar yağında üzebezneñ milli-mädäni moxtariäten oyıştıru eşen alıp barabız. Şimbä, 7nçe fevral’dä näq menä şul moxtariätne oyıştıru cıyılışı uzaçaq. Bezneñ şähärdä milli üzäk eşläp kilä, şulay uq Tuğan yaq häm Yaqtaşlar üzäge dä bar bezdä. Ölkäneñ Dzerjinsk şähärendä dä milli üzäk oyıştı disäñ dä bula. Menä bez barıbız da cıyılıp, berläşergä uyladıq. Bu eşne başqaruda ölkäneñ Diniä näzaräte ayıruça zur bulışlıq kürsätte

60 meñ tiräse millättäşlärebez yäşägän Nijgar ölkäse tatarlarınıñ milli-mädäni moxtariäten buldıru eşlärenä inde 2 yıl elek ük totınğan bulğannar. Firdäwes Wahapova fikerençä, ul waqıtta ölkädäge başqa millätlär wäkile äle bu xaqta uylana torğan ğına bulğannar. Läkin äzerlek eşläre törle säbäplärdän bik ozaqqa suzılğanğa, tatarlarnı moxtariät tözü eşendä belorus, äzerbäycan, alman milläte wäkilläre uzdırğan. Bu yulı bälkem bez dä oyışıp beteräbez, di Firdäwes xanım. Häm, berläşep eş itä alsaq inde älbättä, dip östi ul. Älegä bez nijgardağı millättäşlärebezgä uñışlar teläp qalabız. Ä alarnıñ moxtariät oyıştıru eşläre niçek kilep çığuı turında sezgä Azatlıq radiosınnan tulıraq mäğlümät birerbez äle. Tübän Novgorodta 7nçe fevral’dä uzaçaq cıyılışta bezneñ xäbärçebez dä qatnaşa.



Gölnaz İlgizär

XS
SM
MD
LG