Accessibility links

якшәмбе, 4 декабрь 2016, Казан вакыты 07:01

Stavropol'' ölkäsendäge törekmännärneñ Qazança cırları


“Azatlıq” radiosınıñ Mäskäwdäge byurosında törle millät wäkilläre eşli. Bez ber bülmädä törekmän, tacik, üzbäk, qırğız , ärmän, afğan millätennän bulğan jurnalistlar belän bergä eşlibez. Qaysı basmada bulmasın tege yäki bu millätkä qağılışlı mäqälä kürsäk, jurnalist kollegabız belän sin äle bu xaqta yazmanı kürdeñme dip qızıqsınabız , ber-berebezgä yärdäm itärgä tırışabız. Bigräk tä qızıqlı xällärne säfärdän qaytuçılar söyli. Mäsälän, Törekmän redaksiäse jurnalistı Möxämmät Berdıyev Stavropol' ölkäsendä törekmännär yäşi torğan ber awılda bulıp qayttı. Häm ul miña, bezneñ törekmännär yäşi torğan ul awılda Qazança cır dip atalğan ber cır cırlıylar. Bu cır siña tanış tügelme dip, olı yäştäge Xälimä apanıñ cırlawın tıñlattı. Çınlap ta. Ul yaqlarda tabın cırların qazança cır dip atap. Barı tik tatarça ğına cırlıylar ikän. Bez başqa cır belmibez, törekmänçä köyebez yuq bezneñ di Xälimä apa ul yazmada. Tabınnarda, tuylarda bezneñ cırlarıbız Qazança cır. Bezneñ tatarlar belän dä yäşägänebez yuq. Tik bu cırlar qaydan kilgänen alar üzebez dä belmibez di alar. Tıñlap qarıyk äle Xälimä apanıñ ul cırın. Häm jurnalistqa cırnı ul törekmän telenä dä tärcemä itärgä tırışa, läkin süzläre barıber tatarça kilep çığa anıñ. Teläkläre dä bezgä bik nıq añlaşıla, äyterseñ tatar telendä. Törki tel dip yuqqa ğına äytelmi şul. Ber ğailä tele bulğaç, barısına da añlaşıla.

Ә menä yäşlär cırlıy torğan cır mine ğömümän ğäcäpkä qaldırdı. Bu cırnıñ berençe öleşe tulısınça törekmänçä yañğırasa da, quşımtası Ğabdulla Tuqaynıñ Tuğan tele läbasa! Bez gimn itep cırlıy torğan cır. Monda tuğan telgä mäxäbbät belän tuğan ilne sağınunı bergä bäylägän. Min başta bu cırlarnı adaşqan cırlar dip äytergä uylasam da, alay dip äytmäskä buldım. Çönki alar bezdän yıraqta yäşäwçe başqa millätneñ xalıq cırına äylänsälär dä. Bezneñ tatar cırı bit! Bezneñ cırlar Qazança cır dip üzläre ük äytep tora. Adaşqan bulsa da äylänep qayttı bit äle bezneñ öçen dä. Räxim it törekmän xalqınıñ cırına äylängän tatar moñı.

“Azatlıq” radiosı, Mäskäw. Näzifä Kärimova

XS
SM
MD
LG