5 fivral könne Başqortstanğa Macarstan respublikası wäkillege eş säfäre belän kilde. Wäkillek sostavında, räsmi citäkçelärdän tış, Macarstannıñ qayber şirkätläre citäkçeläre häm ere eşquarlar da bar.
Täwge könne qunaqlar Ufada berniçä oçraşu ütkärde. Başqortstan Tışqı elemtälär häm säwdä ministırlığında bulğan söyläşülärdä taraflar ike republík arasındağı iqtisadí häm mädäni bäyläneşlärne kiñäytü mäsäläläre xaqında fiker alıştı, üz täqdimnären citkerde.
Ä comğa könne Macarstan wäkillegen Başqortstan premier – ministrı Rafael Baydäwlätov qabul itte. Anda ike yaqtan da küp kenä räsmi citäkçelär häm eşquarlar qatnaştı häm çığış yasadı. Başqortstan xökümäte başlığı da, qunaqlar da Macarstan belän Başqortstan arasındağı iqtisadí xezmättäşlekneñ älegä bik az külämdä buluın äytep, üzara säwdä äyläneşen küpmeder prosentlarğa ğına tügel, ä berniçä tapqırğa arttıru mömkinlegen häm berlektäge şirkätlärneñ sanın da baytaqqa işäytä alunı assızıqladı.
Söyläşülär barışında Macarstanda Başqortstan könnären ütkärü mäsäläse dä tikşerelde. Älege çaranı bu yılnıñ közge aylarında uq oyıştıru ixtimallığı äytelde. Ä kiläse yılğa, cawap räweşendä, Başqortstanda Macarstan könnären ütkärü mömkin bulaçaq.
Säfärläre barışında Macarstan wäkilläre Başqortstannıñ qayber ere şirkätläre belän tanışa, Ufanıñ istälekle urınnarın qarap yöri.
Täwge könne qunaqlar Ufada berniçä oçraşu ütkärde. Başqortstan Tışqı elemtälär häm säwdä ministırlığında bulğan söyläşülärdä taraflar ike republík arasındağı iqtisadí häm mädäni bäyläneşlärne kiñäytü mäsäläläre xaqında fiker alıştı, üz täqdimnären citkerde.
Ä comğa könne Macarstan wäkillegen Başqortstan premier – ministrı Rafael Baydäwlätov qabul itte. Anda ike yaqtan da küp kenä räsmi citäkçelär häm eşquarlar qatnaştı häm çığış yasadı. Başqortstan xökümäte başlığı da, qunaqlar da Macarstan belän Başqortstan arasındağı iqtisadí xezmättäşlekneñ älegä bik az külämdä buluın äytep, üzara säwdä äyläneşen küpmeder prosentlarğa ğına tügel, ä berniçä tapqırğa arttıru mömkinlegen häm berlektäge şirkätlärneñ sanın da baytaqqa işäytä alunı assızıqladı.
Söyläşülär barışında Macarstanda Başqortstan könnären ütkärü mäsäläse dä tikşerelde. Älege çaranı bu yılnıñ közge aylarında uq oyıştıru ixtimallığı äytelde. Ä kiläse yılğa, cawap räweşendä, Başqortstanda Macarstan könnären ütkärü mömkin bulaçaq.
Säfärläre barışında Macarstan wäkilläre Başqortstannıñ qayber ere şirkätläre belän tanışa, Ufanıñ istälekle urınnarın qarap yöri.
