Accessibility links

якшәмбе, 4 декабрь 2016, Казан вакыты 00:52

«Tañ yoldızı» xalqıbız mänfäğätenä eşläyäçäk


Başqortstanda soñğı waqıtta yaña tatar basmaları päyda bula başladı. Bu yıl başınnan balalar öçen «Ällüki» isemle tatar jurnalı çığa başlaw ayıruça istälekle waqíğa buldı. Äle bu jurnalğa 3 meñnän artıq uquçı yazılğan da inde. Ğínwar ayında «Ällüki»neñ täwge sanı dönya kürde. Tatar telendä çığuçı «Qızıl tañ» redaksísı tırışlığı belän dönyağa kilgän jurnal tösle itep basıla, andağı matur sürätlär häm mawıqtırğıç yazmalar şunda uq üzenä cälep itä.

Fovral başı da Başqortstan tatar matbuğatı öçen istälekle waqíğa belän istä qalaçaq. 7 fivral könne Başqortstannıñ Salawat şähärendä «Tañ yoldızı» dip isemlängän tatar gazetınıñ berençe sanı dönya kürä. Şunısı üzençälekle: «Tañ yoldızı» däwlät finanslawı yärdämendä tügel, ä BR Tatar ictimaği üzägeneñ Salawat şähärendäge bülege citäkçese Äsğät Qormanayıv tırışlığı belän näşer iteläçäk. Äsğät äfände tatar ictimaği üzäge eşçänlegen alıp baru östenä Salawat şähärendäge «Politron» isemle şirkätenä dä citäkçelek itä. «Tañ yoldızı» gäzite dä şul şirkätneñ matdi yärdämendä çığaçaq. Älegä yaña tatar basmasın atnağa ber san çığaru küzallana. Ä kiläse yıl başınnan anı atnağa öç san näşer itü niätläre dä bar.

Fänis Fätxi, Ufa

XS
SM
MD
LG