Accessibility links

шимбә, 3 декабрь 2016, Казан вакыты 18:52

Ğiraqta aldağı aylarda saylawlar ütkärü mömkinlegen öyränü öçen Bağdadqa BMO törkeme kilde


BMO General' sekretare Kofi Annan älege törkem äğzaları Ğiraqlı citäkçelär häm AQŞ waqıtlı idaräse äğzaları belän kiñäşläşäçäk dide. Annan bu törkemneñ eşe säyäsi küçeş protsesındağı körçektän çığu mömkinlege birer dip ömetlänüen belderde. Ğiraqlılarnıñ ber öleşe saylawlarnı xakimiätneñ 30nçı iyündä Ğiraq xökümätenä tapşırıluına qädär ük oyıştırırğa çaqıra. Ämma AQŞ räsmiläre bu waqıt eçendä saylawlar ütkärü mömkin tügel di. Xäzer Ğiraq İdarä Şurasın citäkläwçe Möxsin Abdel Xämit İdarä Şurası BMO törkeme kiñäşlärenä bäyle bulmayaçaq dide. AQŞ xärbiläre äytüençä bügen Samarra şähärendä ber ğiraqlı amerikan xärbilärenä ut açqannan soñ cawap utınnan hälak bulğan. AQŞ xärbi bazasına raketa höcümennän soñ tağın ber ğiraqlı atıp üterelgän.

XS
SM
MD
LG