Accessibility links

сишәмбе, 6 декабрь 2016, Казан вакыты 21:00

Germaniä NATOnıñ Ğiraqta tınıçlıq saqlawına qarşı tügel, ämma üz ğäskärlären anda cibärügä qarşı


Germaniä tışqı eşlär ministrı Joşka Fischer Germaniä Ğiratqa NATO ğäskärlären urnaştıru mömkinlegenä qarşı çıqmayaçaq, ämma üz soldatların anda cibärügä qarşı dide. Münhendä iminlek mäs'älälärenä bağışlanğan xalıqara konferensiäsendä çığış yasap, ägär dä NATO Ğiraqta tınıçlıq saqlawğa quşılırğa teläsä, Germaniä konsensusqa qarşı bulmıyaçaq dide. Şul uq waqıtta Fischer Germaniä anda AQŞ citäkçelegendä suğış başlaw säbäpläreneñ nigezle buluına äle haman da ışanmıy dip äytte:

AUDİO: Min Ğiraqta NATOnıñ turıdan-turı qatnaşlığı turında qararnı bik saqlıq belän tikşerergä kiräk dip isäplim. Bez Germaniä xärbilären Ğiraqqa cibärmäsäk tä, Germaniä xökümäte konsensusqa qomaçawlamıyaçaq. Uñışsızlıq qurqınıçın, häm NATO öçen bik citdi häm cimergeç näticälär mömkinlegen isäpkä alırğa kiräk. Miña namusım zur skeptisizm belän qarawımnı yäşermäskä quşa.

Yaqın Könıçışta tınıçlıq urnaştıru mäs'äläsenä kilgändä, Fischer Quşma Ştatlarnı, Kanadanı häm Europanı bergä eşlärgä çaqırdı. Bu töbäk öçen iñ möhim burıçlarnıñ berse iqtisadıy tärräqiätkä ireşü dide Fischer.

XS
SM
MD
LG