Massaçusets ştatınnan 4 märtäbä senator bulıp torğan Kerry Miçigan häm Waşington ştatlarında demokratlar arasındağı sınaw saylawlarında ciñep çıqtı. Vietnam suğışındağı batırlıqları öçen büläklär alğan 60 yäşlek Kerry ike ştatta da üzeneñ töp köndäşe Vermont ştatınıñ elekke gubernatorı Howard Din belän yarıştı. Uzğan töndä Yarışnıñ berençel näticälären Miçigandağı Demokratik partiä räise Mark Brewer iğlan itte:
AUDİO: Miçigan Demokratik Partiäsendä 2004 sınawları ciñüçese Massaçusetstan Senator John Kerry. Ul böten ştattan 73 meñ 704 tawış cıydı. Bu barlıq tawışlarnıñ 50 protsentınnan az ğına kimräk, 49 böten yözdän 98 protsent.
İrtän Miçigannıñ barlıq öleşlärennän dä yawış näticäläre bergä quşıp isäplängännän soñ Kerrynıñ xätta 52 protsent tawış cıyğanlığı açıqlandı. Dean 17 prosent belän ikençe, Tönyaq Karolina ştatı Senatorı John Edwards 13 protsent cıyıp öçençe urın aldı. Miçigandağı sınawlarda qalğan 18 protsent çaması tawışnı pensiädäge general Wesley Klark, keşe xoquqları aktivistı Al Sharpton häm elekke Kleveland merı, kongressmen Dennis Kucinich büleşte.
Waşington ştatında isä tawışlarnıñ sanalğan 99 protsentına qarağanda Kerry 48, Dean 30 protsent tawış cıyğan. Alardan soñ 8 protsent cıyğan Kucinich häm 7 protsent belän Edwards kilä. Säyäsi küzätüçelär fikerençä, Kerrynıñ bu ciñüläre anıñ Demokartik Partiäneñ iyül ayındağı cıyınında Respublikan prezident George Bushqa qarşı demokrat namzät itep kürsätelü mömkinleklären tağın da arttıra. Prezident saylawları ikençı noyäberdä ütäçäk. Äle ike atna elek kenä Bush belän yarışqa Dean çığar kebek kürenä ide. Ämma İowa ştatında Kerrynıñ ciñüe belän Deannıñ basqan urını qaqşıy başladı. Kerry inde barlığı 11 ştatta ütkärelgän sınawlarda ciñep çıqtı. Edwards belän Clark berär ştatta ğına ciñge. Uzğan töndäge ciñü çığışında ul üzeneñ demokrat köndäşläre turında tügel ä törle uydırmalar, yarım döres xäbärlär, bozıp kürsätülär häm yalğannar qullanuçı respublikan yala yağu maşinası turında söyläde. Küptän tügel respublikannar anı töp amerikan qimmätlären añlamawçı Massaçusets liberalı dip sürätläwgä kereşkän ide. Kerry prezident Bushnıñ büdjet defitsitın, suğış waqıtında baylarnıñ salımnarın kimerü qararın, häm soñğı 3 yılda 3 million eş urının yuğaltuğa kitergän säyäsäten tänqitläde.
Naif Aqmal, Praga.
AUDİO: Miçigan Demokratik Partiäsendä 2004 sınawları ciñüçese Massaçusetstan Senator John Kerry. Ul böten ştattan 73 meñ 704 tawış cıydı. Bu barlıq tawışlarnıñ 50 protsentınnan az ğına kimräk, 49 böten yözdän 98 protsent.
İrtän Miçigannıñ barlıq öleşlärennän dä yawış näticäläre bergä quşıp isäplängännän soñ Kerrynıñ xätta 52 protsent tawış cıyğanlığı açıqlandı. Dean 17 prosent belän ikençe, Tönyaq Karolina ştatı Senatorı John Edwards 13 protsent cıyıp öçençe urın aldı. Miçigandağı sınawlarda qalğan 18 protsent çaması tawışnı pensiädäge general Wesley Klark, keşe xoquqları aktivistı Al Sharpton häm elekke Kleveland merı, kongressmen Dennis Kucinich büleşte.
Waşington ştatında isä tawışlarnıñ sanalğan 99 protsentına qarağanda Kerry 48, Dean 30 protsent tawış cıyğan. Alardan soñ 8 protsent cıyğan Kucinich häm 7 protsent belän Edwards kilä. Säyäsi küzätüçelär fikerençä, Kerrynıñ bu ciñüläre anıñ Demokartik Partiäneñ iyül ayındağı cıyınında Respublikan prezident George Bushqa qarşı demokrat namzät itep kürsätelü mömkinleklären tağın da arttıra. Prezident saylawları ikençı noyäberdä ütäçäk. Äle ike atna elek kenä Bush belän yarışqa Dean çığar kebek kürenä ide. Ämma İowa ştatında Kerrynıñ ciñüe belän Deannıñ basqan urını qaqşıy başladı. Kerry inde barlığı 11 ştatta ütkärelgän sınawlarda ciñep çıqtı. Edwards belän Clark berär ştatta ğına ciñge. Uzğan töndäge ciñü çığışında ul üzeneñ demokrat köndäşläre turında tügel ä törle uydırmalar, yarım döres xäbärlär, bozıp kürsätülär häm yalğannar qullanuçı respublikan yala yağu maşinası turında söyläde. Küptän tügel respublikannar anı töp amerikan qimmätlären añlamawçı Massaçusets liberalı dip sürätläwgä kereşkän ide. Kerry prezident Bushnıñ büdjet defitsitın, suğış waqıtında baylarnıñ salımnarın kimerü qararın, häm soñğı 3 yılda 3 million eş urının yuğaltuğa kitergän säyäsäten tänqitläde.
Naif Aqmal, Praga.