Accessibility links

җомга, 9 декабрь 2016, Казан вакыты 12:57

BMO Ğiraq suverenlığı öçen buldıra alğannıñ barısın da eşliäçägenä ışandıra


BMOnıñ Ğiraqtağı baş wäkile Lakhdar Brahimi BMO ğiraqlılar suverenlıq alsın öçen buldıra alğannıñ barısın da eşliäçäk dip belderde. Brahimi Bağdadta AQŞ bilgelägän İdarä Şurası belän oçraşudan soñ çığış yasadı:

AUDİO: Saylawlar ütkärü turında belderülärgä häm qararlarğa qädär şunı äytergä kiräk dip sanıym, BMO Ğiraq xalqınıñ häm anıñ böten öleşläreneñ xäzerge krizistan çığuına, häm General' Sekretar' Kofi Annan äytkänçä, bäysezlek, suverenlıq yawlawına, ilneñ Ğiraq xalqı telägänçä yañadan tözelüenä ireşü öçen buldıra alğannıñ barısın da eşliäçägenä ışandıra.

Ğiraqqa Brahimi citäkçelegendä kilgän 9 keşelek BMO törkeme biredä xakimiätneñ 30nçı iyündä Ğiraq xökümätenä tapşırıluına qädär ük saylawlar ütkärü mömkinlegen öyränä. İldä saylawlarnıñ tizräk ütkärelüen küpçelekne täşkil itüçe şiğilar citäkçese Ayatulla Ali äs-Sistani taläp itä. Küptän tügel Ğiraq İdarä Şurası äğzası Nasıyr Kamil Äl-Çäderçi ildä iminlek yuq, häm saylawçılar terkälmägäm, şuña kürä yaqın arada saylawlar ütkärü mömkin tügel dip belderde.

XS
SM
MD
LG