Accessibility links

шимбә, 3 декабрь 2016, Казан вакыты 20:44

Paqstan atom texnologiäläreneñ çit illärgä taralu yulların tikşerüne däwam itäçäk


Paqstan räsmiläre, ilneñ atom texnologiä serläreneñ nindi yullar belän çitkä kitüen tikşerü äle tämamlanmadı, dip belderde. İlneñ tışqı eşlär ministrlığı wäkile Masood Khan "Paqstannıñ atom bombası atası" Abdul Qadeer Khan häm tağın 10 atom belgeçe – äle tağın qayber sorawlarğa cawap biräçäk häm xökem itelergä mömkin, dip belderde.

Kiçä Paqstan prezidentı Pärwäz Möşarräf, Paqstannan atom töş qoral turında serle mäğlümatne çitkä çığaru tuqtatıldı, başqa atom texnologiäläre çit illärgä taralmıyaçaq, dip beldergän ide.

Uzğan atnada – üz waqıtında Liviä, Tönyaq Korea häm İranğa atom texnologiäläre satqan Abdul Qadeer Khan'nı prezident Möşarräf uzğan atnada yarlıqadı.

İran tışqı eşlär ministrlığınıñ matbuğat wäkile Hamid Reza Asefi – Khan'nıñ süzlären kire qaqtı.

XS
SM
MD
LG