Avstriä eçke eşlär ministrı Ernst Strasser belderüençä uzğan yıl ildä 45 meñnän artıq qanunsız möhacir totılğan. Alarnıñ küpçelege rumınnar, bolğarlar häm Rusiä watandaşları, alar arasında çeçennar. 18 meñ yarım tiräse keşe Avstriägä keşe satuçı cinäyätçel törkemnär yardäme belän kilgän dip isäplänä. Uzğan yıl Ğiraq häm Äfğanstannan qaçaqlar sanı kimegän, monı tuğan illärendä wazğiätneñ yaxşıraq buluı belän añlatalar. Şulay uq Avstriäneñ kürşe illär belän bulğan çik buylarında kontrolne arttıru da – röxsätsez kilüçelär sanın kimetkän.
