Tanılğan cırçı Älfis Qiämov üzeneñ 42 yäşendä wafat buldı. Anı tuğan yağı Başqortstanda kümäçäklär. Älfis Qiämov moñlı häm köçle tawışı belän “Sine kötäm ” cırın başqarıp 2000nçe yılda kiñ cämäğätçelektä tanılğan ide. Älfis Qiämov professional' muzıykant, cırçı.
Çığışı belän ul Başqortstannıñ Boray rayonınnan. Başqortsanda Fädis Ğäniev ta anıñ yaqtaşı.
Qazanda yaqtaşları tanılğan cırçılar Xämdünä Timerğälieva, Gölnara Timercanovalar kebek Älfis Qıyämovta Qazanda tanıldı.
Anıñ konsertlarında biep yörüçe 16 yäşlek Aygöl isemle qızı häm 5 yäşlek Ayrat isemle ulı qaldı.
Älfis Qiämovnıñ 8nçe fevral' könne, böyerläre eşlämi başlaw arqasında Şamski xastaxanäsendä ülgän. Bu xaqta “Yaña ğasır” televidenie kanalında irtänge säğät 8 tulğanda xäbär itkäç, bik küplär aptırap qaldı, kötelmägän ülem bu. Älfis Qiämov äle genä çığışlar yasap yöri ide.
Düşämbe könne Qazanda Musin uramındağı fatirında Älfis Qiämov belän dusları, cırdaşları xuşlaştı.
Möselman ğöref-ğädäte buyınça anıñ mäyete inde 9nçı fevral' könne ük Boray rayonına ozatıla häm Baqalı awılındağı ziratta cir quyınına salınaçaq.
Xörmätle tıñlawçılar, Älfis Qiämovnıñ yaqtı istälegenä anıñ başqaruında Almaz Xämzin süzlärenä yazılğan R.Väliev köye “Sine kötäm ”cırın tapşırabız.
Audio
Älfis Qiyämov wafat. Qazandağı cır söyüçelär öçen zur yuğaltu buldı. Qısqa ğına ğömere ütte, cırı qaldı märxümneñ.
Awır tufrağı ciñel bulsın.
Azatlıq radiosı Mälikä Basıyr Qazan.
