Accessibility links

җомга, 9 декабрь 2016, Казан вакыты 12:53

Matbuğat küzätüe


Matbuğat küzätüen atnalıq gäcitlärdän başlıym. Mädäni Comğa gäciteneñ soñğı sanında yazuçı Mösäğit Xäbibullin bügenge Rusiäneñ säyäsi tormışı xaqında fikerläre belän büleşä. Gäcittä Fäwziä Bäyrämovanıñ «Törki dönya häm xatın-qızlar” digän säyäxätlämäse basılğan.

Vostoçnıy ekspress gäciten şağir häm deputat Rinat Xarisnıñ säyäsi firqälärgä bulğan mönäsäbäten belergä bula. Ul Däwlät sovetına deputatlıqqa Rusiä regionnarı firqäse isemlege aşa çığarğa bulğan. Säbäbe mondıy- Berdäm Rusiä firqäse” täqdim isemlegen kürgäç, Rinat Xaris üze dä deputatlıqtan kitärgä irtäräk ikänlegen añlağan. Şul uq gäcittä “Elemtä”neñ general' direktorı Zäkiä Şäfikova aqça belän eş itärgä öyrätä.

6nçı fevral'dä çıqqan Watanım Tatarstan gäcitendä yazuçı Fakil Safinnıñ fikerläre yazılğan. Fänis Yarullinnıñ da şiğerläre bar. Şul uq gäcittä Rafiq Möxämmätşin häm Tatarstan prezidentı kiñäşçese Rafail Xakimovnıñ din häm wöcdan iregenä bağışlanğan yazmaları da dönya kürgän.

Watanım Tatarstannıñ şimbä sanında Rossiä İslam universitetı rektorı, möfti Ğosman xäzrät İsxaqi belän äñgämä basılğan. Gäcitneñ soñğı bitendä Salix Säydäş isemendäge Zur konsert zalında «Qara yözlär», «Söyembikä» operalarnıñ avtorı Batu Mölekovnıñ tuuına 75 yıl tulu uñayınnan ütkärelgän kiçä turında yazma bar.

Tatarstan yäşläre gäciteneñ «Tatar awazı» rubrikasında İskändär Siracineñ ataqlı opera cırçısı, şulay uq küp kenä memuarlar avtorı Usman Älmiev turında mäqäläse çıqqan.

Qazan xakimiäte başlığı Kamil' İsxaqov 8nçe fevral'dä 55 yäşlek yubileyın ütkärmim dip iğlan itkän ide. Jurnalistlar bu yarımyubiley çittä qaldırmadı. Gäcitlärdä Kamil İsxaqovnıñ zur täcribägä iä buluı häm Qazan yubileyına äzerlänü buyınça alıp barğan zur eşe, xalıqara eşçänlege turında mäqälälär bastırıldı. Televidenie maxsus töşerelgän fil'm kürsätte. Qayberäwlär şähär başlığın atamıyça ğına, bozlawıq arqasında yağılıp imgänüçelär sanı artu, uramnarnıñ tigez bulmawına suqrandılar.

Şähri Qazan gäcitendä «Mäğäriftä nindi üzgäreşlär bara?» dip atalğan mäqälädä mäğärif ministrı urınbasarı Lyudmila Nugumanova belän äñgämä bastırılğan. Monda äxlaq tärbiäläw, belem birü, innovatsiälär, milli mäğärif turında qızıqlı fikerlär bar.

Ence Yaqupovanıñ «Nigä şulay buldı?» isemle mäqäläsendä üzäkne özärlek, ämma qızğanıçqa qarşı tormışta yış qına oçrağan taciğa- ğäziz änkäyne yäki äni urınına bulğan bertuğan apanı balalarnıñ qartlar öyenä taşlap kitüläre turında söylänä.

Al'bina Zäynulla

XS
SM
MD
LG