Düşämbedä, New Yorkta, Tışqı mönäsäbätlär şurası dip atalğan abruylı oyışmada çığış yasap, Simon Kukes, 2009 yılğa Rusiäneñ neft yatmaları 30 protsentqa artaçaq, näticädä ul neft citeşterü ölkäsendä dönyada berençe urınğa çığaçaq, dip belderde:
Audio (Simon Kukes)
"Neft belän gaznı quşıp sanasañ Rusiä inde xäzer ük berençe, 2009 yılğa ul neft ölkäsendä Söğüdlärne uzıp berençe bulaçaq."
Kukes neft tarmağı kiläçägenä ışanıp qarawın äytte. Anıñ fikerençä yaqın kiläçäktä neft bäyäse ber barelgä 25 dollardan tübän töşmäyäçäk. Xäzer ul 33 dollar çaması.
Oçraşuda älbättä, Yukosnıñ elekke citäkçese Mixail Xodorkovski turında sorawlar da birelde. Rusiä räsmiläre tarafınnan üzläşterü, salımnan qaçuda ğäyeplängän Xodorkovski xäzerge waqıtta Mäskäw törmäsendä utıra. Kukes bu sorawlarğa bik saq cawap birergä tırıştı:
Audio (Simon Kukes)
"Xodorkovski kompaniägä zur öleş kertte. Xäzer anıñ xökümät belän qanun problemaları bar. Eşne mäxkämä tikşerä. Miña bu xaqta añlatma birü ğädel bulmas ide. 5-6 ay elek anıñ belän söyläşkändä, ul miña ''Säyäsät sineñ eş tügel. Bez sine dönya keşese bularaq alabız'' dide. Min şul yuldan barırğa tırışam. Nindider añlatmalar birü kompaniä öçen dä, anıñ öçen dä fayda bulmas. Döresen äytkändä, min üzem dä sezdän kübräk belmim."
Yukosnıñ xökümät belän yaña problemaları çıqmasmı, digän sorawğa:
Audio (Simon Kukes)
"Älegä yaña ğäyepläwlär kürenmi. Bar sorawlar elekke eş belän bäyle. Alar salım tülänmägän dip sanıy, bez alay sanamıybız. Räsmilär belän söylöşü bara. Minem maqsat – kompaniäne saqlap qalu."
Yukos tiräsendäge xällär Rusiägä aqça salğan, yä salırğa telägän investorlarda küp sorawlar uyattı. Kompaniäneñ awırlıqlarına qaramastan, Kukes, Rusiä räsmiläre ilgä investitsiälär cälep itü yağında dip sanıy. Kukes, Yukosnıñ Rusiädä bäysez idaräse bulğan berdän-ber ere neft kompaniäse buluın iskärtte. Anıñ süzlärençä, mondıy sistema küpkä yaxşıraq, çönki "kesälärne butaw" qurqınıçın kimetä. NASDAQ, New York birjası bulmasa da, Yukos aksiälären bügen Amerikanıñ qimmätle qäğäz bazarında alıp bula. Yukosnıñ Yevropağa, Quşma Ştatlarğa neft taşu öçen, Murmanski portına ütkärgeç suzu niäte yuqmı digän sorawğa, Kukes "yuq" dip cawap birde:
Audio (Simon Kukes)
"Bez ütkärgeçlär, alarnı tözü belän şöğellänmibez. Monıñ öçen Transneft bar. Anıñ tarifları tübän, çeltäre üsä. Bez finans belän qatnaşa alabız. Ämmä çeltär häm anıñ belän eş itü Transneft qulında bulırğa tieş."
Bu Yukosnıñ yaña citäkçese Simon Kukesnıñ New Yorkta, Tışqı mönäsäbätlär şurasında ütkän oçraşuda birgän cawapları buldı.
Ali Gilmi, Praga
Audio (Simon Kukes)
"Neft belän gaznı quşıp sanasañ Rusiä inde xäzer ük berençe, 2009 yılğa ul neft ölkäsendä Söğüdlärne uzıp berençe bulaçaq."
Kukes neft tarmağı kiläçägenä ışanıp qarawın äytte. Anıñ fikerençä yaqın kiläçäktä neft bäyäse ber barelgä 25 dollardan tübän töşmäyäçäk. Xäzer ul 33 dollar çaması.
Oçraşuda älbättä, Yukosnıñ elekke citäkçese Mixail Xodorkovski turında sorawlar da birelde. Rusiä räsmiläre tarafınnan üzläşterü, salımnan qaçuda ğäyeplängän Xodorkovski xäzerge waqıtta Mäskäw törmäsendä utıra. Kukes bu sorawlarğa bik saq cawap birergä tırıştı:
Audio (Simon Kukes)
"Xodorkovski kompaniägä zur öleş kertte. Xäzer anıñ xökümät belän qanun problemaları bar. Eşne mäxkämä tikşerä. Miña bu xaqta añlatma birü ğädel bulmas ide. 5-6 ay elek anıñ belän söyläşkändä, ul miña ''Säyäsät sineñ eş tügel. Bez sine dönya keşese bularaq alabız'' dide. Min şul yuldan barırğa tırışam. Nindider añlatmalar birü kompaniä öçen dä, anıñ öçen dä fayda bulmas. Döresen äytkändä, min üzem dä sezdän kübräk belmim."
Yukosnıñ xökümät belän yaña problemaları çıqmasmı, digän sorawğa:
Audio (Simon Kukes)
"Älegä yaña ğäyepläwlär kürenmi. Bar sorawlar elekke eş belän bäyle. Alar salım tülänmägän dip sanıy, bez alay sanamıybız. Räsmilär belän söylöşü bara. Minem maqsat – kompaniäne saqlap qalu."
Yukos tiräsendäge xällär Rusiägä aqça salğan, yä salırğa telägän investorlarda küp sorawlar uyattı. Kompaniäneñ awırlıqlarına qaramastan, Kukes, Rusiä räsmiläre ilgä investitsiälär cälep itü yağında dip sanıy. Kukes, Yukosnıñ Rusiädä bäysez idaräse bulğan berdän-ber ere neft kompaniäse buluın iskärtte. Anıñ süzlärençä, mondıy sistema küpkä yaxşıraq, çönki "kesälärne butaw" qurqınıçın kimetä. NASDAQ, New York birjası bulmasa da, Yukos aksiälären bügen Amerikanıñ qimmätle qäğäz bazarında alıp bula. Yukosnıñ Yevropağa, Quşma Ştatlarğa neft taşu öçen, Murmanski portına ütkärgeç suzu niäte yuqmı digän sorawğa, Kukes "yuq" dip cawap birde:
Audio (Simon Kukes)
"Bez ütkärgeçlär, alarnı tözü belän şöğellänmibez. Monıñ öçen Transneft bar. Anıñ tarifları tübän, çeltäre üsä. Bez finans belän qatnaşa alabız. Ämmä çeltär häm anıñ belän eş itü Transneft qulında bulırğa tieş."
Bu Yukosnıñ yaña citäkçese Simon Kukesnıñ New Yorkta, Tışqı mönäsäbätlär şurasında ütkän oçraşuda birgän cawapları buldı.
Ali Gilmi, Praga