Accessibility links

пәнҗешәмбе, 8 декабрь 2016, Казан вакыты 17:07

Berläşkän Ğaräp Ämirleklärendä İran hawa yulları oçqıçı häläkäte näticäsendä 43 keşe ülde


Berläşkän Ğaräp Ämirlekläre räsmiläre xäbär itüençä bügen hawa mäydanı yanında İran oçqıçınıñ häläkäte näticäsendä 43 keşe ülgän. Kiş hawa yulları oçqıçı Şarca xalıqara hawa mäydanınnan yulğa çıqqaç ta cimerelep töşkän. Oçqıçta 45 keşe bulğan. Alarnıñ 40ğı hälak bulğan, tağın 3 keşene äle tapmağannar ämma alar da ülgänder dip farazlana. İke keşe isän qalğan dip xäbär itelä. Yulçılarnıñ 11e – İran watandaşları bulğan. Oçuçılar – 6sı da İrannan ide dip xäbär itelä. Häläkätneñ säbäbe – texnik xata bula ala. Oçqıçtağı qara tartmalar tabılğan, tögälleräk mäğlümat tikşerülärdän soñ bulaçaq.

Yarım xosusi Kiş hawa yulları şirkäteneñ räsmi wäkile süzlärenä qarağanda, häläkätkä oçrağan oçqıç – Hollandiädä citeşterelgän Fokker-50 markalı, 2 motorlı maşina, üzenä 50gä qadär yulçı häm oçuçılar törkemen sıydıra ala. Oçışlar İrannıñ Farsı qultığındağı Kiş utrawınnan yasalğan bulğan.

XS
SM
MD
LG