Ğiraq başqalasınnan könyaqqa taba 40 çaqrım yıraqlıqta urnaşqan İskandariya şähärendä politsiä binası yanında bulğan köçle şartlaw näticäsendä bügen kimendä 50 keşe hälak buldı, tağın 50se cärähätlär aldı. Şul çaqta politsiä yanında yözlägän keşe bulğan. Babylon provinsiäse başlığı İmad Lifty, Reuters mäğlüamt agentılığına, bu şartlawnı – keşeçelekkä qarşı qılınğan terror ğamäle dip atadı: "Bu – insaniätkä qarşı qılınğan terror ğamäle. Hälak bulğannar häm cärähätlär alğannar – barısı da ber ğayepsez keşelär. Ğayepsez keşelärne üterüneñ nindi maqsatı bula ala – min küz aldıma da kiterä almıym. Bu şartlawnı Al Qaida törkeme oyıştırğanmı ällä başqalarmı - İslam mondıy ğamällärne yaqlamıy, dip uylıym" dide Babylon gubernatorı.
Aña qadär irtän Ramadi ölkäseneñ cirle citäkçese öye yanında ber intixar terrorçı üz üzen şartlatıp citäkçeneñ 4 tän saqçısın yaraladı.
Ğiraq politsiäse mäğlümatlärenä qarağanda soñğı waqıtta ğına köç qullanunıñ artıp kitüe näticäsendä 300 politsiä xezmätkäre hälak bulğan.
Aña qadär irtän Ramadi ölkäseneñ cirle citäkçese öye yanında ber intixar terrorçı üz üzen şartlatıp citäkçeneñ 4 tän saqçısın yaraladı.
Ğiraq politsiäse mäğlümatlärenä qarağanda soñğı waqıtta ğına köç qullanunıñ artıp kitüe näticäsendä 300 politsiä xezmätkäre hälak bulğan.
