Accessibility links

Кайнар хәбәр

Yevropa Berlege Rusiägä qarata qatıraq säyäsät alıp barırğa äzerlänä


Sişämbedä Yevropa Komissiäse Rusiä belän mönäsäbätlärne bilgelägän dokument äzerläde.. Äğzalar tarafınnan tikşereläçäk şuşı dokumentta Berlek üz mänfäğötlären açıq anıq itep bilgelärgä, ber tawıştan söylärgä häm kiräk bulğan oçraqta mäqsatqa ireşü öçen törle mäsälälärne berberse belän beylärgä tieş dip äytelä. Berlek keşe xoquqları, ayrım alğanda Çeçnädäge wazğiätkä kübräk ähämiät birergä teli.

Yevropa Berlege belän Rusiä mönäsäbätläreneñ yaxşıdan bulmawı ber kemgä dä ser tügel. Berlek Rusiäne häm global häm regional mäsälälärdä partnör itep tanıy häm bu partnörlıqta üz mäqsatların ütkärergä teli.Ütkän yılda Rimdä bulıp uzğan berlek-Rusiä sumitında mönäsäbätlär in tübän noqtağa töşte.Mäskäü osta räweştä blok äğzaları arasındağı fiker ayırmalıqların qullanıp ,berlek tırışlıqlarına kirtä saldı. Rimdäge uñışsızlıqtan soñ Berlek Rusiä belän mönäsäbätlären küzdän kiçerä başladı häm komisiäneñ äzerlägän dokument ta monıñ näticäse bulıp tora. Yevropa Komissiäseneñ tışqı mäsälälärdäge süzçese Diego De Ojeda Rusiä belän Berlek mänäsäbätlären bolay dip añlattı(audio) Yevropa Berlege belän Russiä arasında küp kenä ölkälärdä eşlär yaxşı barmıy yäsiä citärlek tügel .Alarnıñ qayberläre komissiägä bilgele Rusiä belän eş itkän bik küp departamentlar bar, bez alarnı yaxşıraq koordinatsiälärgä tieşbez.Qayber aspektlar äğza illär belän Berlek prezidentlığı häm tışqı säyäsi koordinator Solana häm komisiä belän koordinatsiälänergä tieş. Yevropa Berlege üz qaraşların açıq itep añlatırğa tieş.Ä qayber eşlärneñ açıq itep äytkändä näticäsez buluına Rusiä cawaplı. Komisiä dokumentında Yevropa Berlegeneñ qayber möhim mänfäğätläre turında süz bara. Rusiä BMO İminlek Şurasında äğza bulğan öçen genä möhim il bularaq tasvirlanmıy.Ä ul Berlekneñ yaña kürşelärendä möhim rol uynağan il . Blok öçen stabillıq zur ähämiätkä iä. Rusiä şulayuq Berlek öçen neft häm gaz çığanağı da bulıp tora.Dokumentta ike aradağı mönäsäbätlär kierenkelänä bara dip äytelgän. Mäskäü Kyoto protokolın ratifikatsiälämäde. Ul şulayuq Berlekneñ Seber östennän oçu xoquqı sorawına da cawap birmi kilä.Rusiä Berlek belän bulğan partnörlıq häm xezmätätşlek kileşüen blokkka äğza bulaçaq 10 ilgä cäyelderüne tuqtatu belän dä yanıy.Komisiä dokumentında Mäskäü rusça söyläşüçe xalıq yäşägän Estoniä, Latviä kebek Berlekkä quşılaçaq illärgä şulayuq ex sovet kürşelärenä qarata qatıraq pozitsiä aldı dip yazılğan.Anda şulayuq dikäberdä ütkän Duma saylawlarınıñ ğädellege sorala häm keşe xoquqlarınıñ bozıluı da telgä alına. Yevropa Berlegeneñ ağımdağı prezidentı İrlandiäneñ äzerlägän dokumentta häm äğza illärneñ äle tikşergän käğäzdä Rusiä alğa sörgän prioritetlar mondıy : Mäskäü alğa sörgän şartlar nigezendä Dönya sävdä oyışmasına kerergä teli , viza çikläwlären yomşartu, Berlekneñ 25 äğza ile belän yış qına summitlar ütkärü,Berlekneñ saqlanu proyektında qarar birügä qatnaşu,eleke SSRnıñ bäysezlek alğan illärenä Berlekneñ minimum qatnaşuı,Rusiäneñ eçke mäsäläläre turında Berlek komentar birüdän totılıp qalırğa , Berlekneñ kiñäyüneñ kitergän tiskäre täsirlär kompensatsiälänergä tieş. .Rusiä şundıy açıq anıq taläplär quyğanda yevropa berlege dä üzençä äzerlänä. De Ojeda berlekneñ 6 ayda ber üzgärgän prezidentları wazıyfağa başlağançı uq üz mäqsatları turındağı isemlekne nıqlap äzerlärgä häm Rusiä belän söyläşep alarğa ireşergä tieşebez. Berlekneñ mänfäğätlären üzara kileşülär nigezendä yaqlağanda oyalıp tormasqa tieşebz dip söyli süzce De Ojeda . Yevropa Berlegendä xäzer blok Rusiädän sabaq alırğa , anıñ praktikasın qullanırğa tieş digän uylar köçeyep kilä. Yäğni mäs''lälärne berbersenä bäylärgä, qayber eşlärdä taşlamalar yasattıru öçen başqasında progressnı tuqtatırğa.Komisiä dokumentında bu inde küzdä totılğan da. Misal öçen Rusiägä säwdädä nindider qulaylıq kürsätep, partnörlıq vä xezmättäşlek kileşüenä yaña äğzalarnı da aldırtu. Saqlanu xezmätätşlegen arttıruğa cawap itep Mäskäwdän Moldowa häm Konyaq Kafkazdağı konfliktlarnı çişüne soraw. De Oheda keşe xoquqları mäsäläse ähämiät üzägenä kütärelä dip äytep bolay dide (audio) Küp kenä ölkälärdä bez äytep kene ütäbez, şul sanda urtaq bäyälär, bez bu turıda ruslarğa söylägändä urtaq bäyälär xaqında närsä uylağannı töğäl itep äytep birergä tieşbez. keşe xoquqları, qanun tärtip, mätbuğat ireklege yäki metbuğat ireklege konteksında häm ayrım alğanda Çeçnäne telgä alırğa tieşbez. Ojeda Yevropa Berlege Çeçnädä humanitar yardäm eşlärenä totqarlanmıy qatnaşu xoquqın taläp itergä tieş di.Qısqası Yevropa komissiä bäyrämçä politik deklaratsiälär urınına Rusiä belän realistik eş plannarı, strategik partnörlıq buldırılırğa tieş dip äytä.

färidä xämit,praga
XS
SM
MD
LG