Accessibility links

җомга, 9 декабрь 2016, Казан вакыты 18:40

Matbuğat küzätüe


Watanım Tatarstan üzeneñ 11nçe fevral’ sanında yänä mädäniät problemalarına qayta. Yuğarı sänğätkä millionnar sarıf itelep, xalıq mädäniäten üsterügä bik az aqça totılğan mädäni matematika turında Asiä Yunısova yaza. Ä İlham Şakirov tatar estradası yazmışı xaqında borçıla. Bu turıda İnkubator çebeşläre belän nişlärgä digän yazmada uqıp bula. Alsu Qadirovanıñ “Moñ korabı” yazması da älege tema belän awazdaş. Ul Rusiä Yäşlär akademiäse muzıka festivale belän tanıştıra. Şul uq gäcittä Baltaç rayonınnan Räfiq Şäräfiev tatar balalarına çit millät isemen quşu mäs’äläsen kütärä. Çit isemnär artına qaçarğa omtılunıñ säbäben ildä tatarlarğa mönäsäbätneñ bulmawında kürä ul. Qazanda sişämbe könne soñğı iske telefon stansiäsen yaña avtomatlaştırılğanğa alıştıru tanası uzdı. Telefon elemtäseneñ sıyfatın arttıruçı bu möhim waqiğa xaqında barlıq diärlek gäcitlär dä yazıp çıqtı. Şähri Qazan da älege çaranı iğtibarsız qaldırmadı. Şulay uq gäcitneñ çärşämbe sanında uquçılar başqalanıñ çit illär belän iqtisadi, mädäni häm duslıq elemtäläre belän tanışa alalar. Bu xaqta şähär xakimiäteneñ Tışqı iqtisadi elemtälär komitetı räise Şamil Şämsetdinov söyli. Ä gäcitneñ öçençe bite Qazan mäktäpläre, alarnıñ tormışı belän tanıştıra.



Gölnaz İlgizär

XS
SM
MD
LG