Accessibility links

якшәмбе, 11 декабрь 2016, Казан вакыты 11:11

BMO wäkilläre Ğiraqta saylawlar uzdıru kiräklege belän kileşä ämma waqıtın bilgelämi


Ğiraqta saylawlar uzdıru mömkinleklären tikşerep yörgän Berläşkän Millätlär wäkilläre şiği ruxanie Ayatolla Ali Sistani'nıñ taläbe belän tulısınça kileşüen belderde ämma saylawlar uzdıru waqıtı turında äle ber xäbär dä yuq. Lakhdar Brahimi Sistani belän 100% kileşüen äytte: "Sistani saylawlar uzdırunı yaqlıy häm bu mäs'älädä bez 100% anıñ belän, çönki saylawlar – här millätneñ üz däwläten tözü öçen iñ yaxşı yul" dide Brahimi . Wäkilçelek Najaf şähärendä şiğilärneñ yulbaşçısı belän oçraştı. Brahimi süzlärenä qarağanda ike yaq ta saylawlar yaxşı äzerlängän bulırğa, şulay uq: "Sistani, Ğiraqlılar häm Berläşkän Millätlär Oyışması taläplärenä turı kilergä tieş" dip belderde. Sistani saylawlarnı ildäge xakimiät Ğiraqlılarğa tapşırılğançı, 30nçı iüngä qadär uzdırunı täqdim itä. Berläşkän Millätlär Oyışması wäkilläre mondıy yaqın arada saylawlar uzdıru mömkinlegen tikşerä.

XS
SM
MD
LG