Bügen 5 meñ 600gä yaqın namzät 20nçe fevral könne İranda uzaçaq parlament saylawlarına äzerlek kampaniäsen başladı. Alarnıñ küpçelege – konservativ kandidatlar, çönki reformaçılarnıñ saylawlarda qatnaşuın Saqçılar Şurası tıydı . Şura 2 meñ 300gä yaqın namzätne tawış birüdä qatnaştırmasqa digän qarar çığardı. Saylawlarğa qatnaşudan tıyılğan namzätlärneñ küpçelege – prezident Mohammäd Khataminıñ bertuğanı, Mohammäd Reza Khatami citäklägän İrannıñ töp reformaçıl xäräkäte äğzaläre. Saqçılar Şurası belän reformaçılar arasındağı kierenkelek säbäple parlamenttan 120läp deputat wazifalarınnan kitülären belderde.
