Accessibility links

шимбә, 10 декабрь 2016, Казан вакыты 11:59

Respublikada taw çañğısı kurortı tözeläçäk


Başqortstanda Europanıñ alğa kitkän illärendäge kebek ük zamança taw çañğısı yal urını bulaçaq. Bu xaqta 12 febräldä Başqortstan premier – ministerı Rafael Baydäwlätov belän Rusiä Olimpiä qömitetı räise Leonid Tyağäçevnıñ oçraşuında äytelde. Alar bu könne republíknıñ güzäl tabiğätle Beloret rayonındağı İncär töbägendä buldı häm tözeläçäk taw çañğısı sportı yal urınnarın qarap yörde. Uzğan yılda bu tirädä yalda bulğannan soñ, Rusiä prezidentı Putin monda taw çañğısı buyınça Europa illärendäge kebek ük bik tä zamança yal qurortı tözügä fatíxa birgän ide. Äle Rusiä Olimpiä qömitetı räise Tyağäçev äfändeneñ Başqortstanğa kilüe şul mäsäläne täğäyen xäl itä başlaw uñayınnan. İncär töbägendäge tawlarnı qararğa Leonid Tyağäçev belän bergä Rusiäneñ qayber quätle şirkätläre citäkçeläre dä bardı. Alar biredä üz kompaníları investisíların kertü telägen belderde.

Beloret rayonındağı taw çañğısı yulı 6 çaqrım ozınlığında bulaçaq. Qayberäwlär, Rusiä prezidentı Putin taw çañğısı belän mawıqqanğa kürä genä, Başqortstan xakímítları republíkta taw çañğısı yal urınnarın tözergä buldı digän fikeren äytä. Ämma mondí kinayalär öleşçä döres bulsa da, bu alay ğına tügel. Çönki republíkta sportnıñ bu töre öçen iskitmäle şäp urınnar bar. Häm çañğı yulların tözü niätläre Putin xakímítqa kilgänçe dä gel quzğatıla kilde. Ural tawların tieşençä faydalanmaw yazıq bulır ide.

XS
SM
MD
LG