Könbatış mätbuğatı xabärlärenä qarağanda, Xalıqara Atom Agentlığı İrannıñ üktäber ayında agentlıqqa beldermägän plannnar tapqan . Anda uran bayıtu öçen qullanılğan şaqtıy kamil sentrifuga modelı turında süz bara.. Xalıqara sanksiälär kertelü qurqınıçı aldında qalğan Tehran üktäberdä uran bayıtunı tuqtatıp, üzeneñ atom programmasın tulısınça açıqlarğa wäğdä itte.AQŞ däwlät sekretarınıñ yardämçese John Bolton faş itelgän dokumentlar İrannıñ atom programmasına däwam itüen kürsätä dide (audio)
Xalıqara Atom Agentlığınıñ öyrängäne , hiç şiksez bezneñ quldağı mäğlümätkä turı kilä. kötelmägän eş tügel. İran xärämläşüeneñ başqa ürnäge genä , bu älbättä birgän wäğdälären tulısınça ütäp bayıtu programmasın tuqtattılar digän iminlek xisse tudırmıy. .
İran atom bombası eşläp çığarırğa tırışa digän ğäyepläwlärne här daim kire qağıp kilde .Kiçä tışqı eşlär ministırı Qamal Xarazi Rimdä bu fikerne täqrarlap bolay dide: (audio)
Bez atom bombası kübräk iminlek kiteräçäk dip uylamıybız.Bu bezneñ doktrinanıñ öleşe bulıp tormıy,bezneñ yäşergän närsä yuq, bez agentlıq inspektorlarınıñ nığıraq tikşerüenä dä äzer. Şunlıqtan bez östämä protokolğa qul quydıq.
İnspektorlarnıñ G2 sentrifugası öçen tapqan plannar älbättä İrannıñ döreslege turında sorawlar tudıra. Pakstan näk şul sentrifugağa iä il. Ütkän atnada Pakstan atom programmasınıñ atası sanalğan Abdul Qader Xan İran, Liviä häm T.Koreağa atom serlären faş itüen äytkän ide. Stokgolmdä Xalıqara Tınıçlıqnı Tikşerü İnstitutı belgeçe Shannon Kile süzlärençä(audio) Tabıldıq, İrannıñ atom programması däwam itmi dip äytüen qıyınlaştıra.Bez Pakstanlınıñ Liviägä şuluq tiptağı gaz sentrifugası plannnarı ğına tügel ä qoral sızımnarı birüen dä belebez.Bu ayruça borçıy. Ämma bez pakstanlılar İrannı atom qoralı çuqmarı sızımnarı belän tämin itkänme yuqmı bu turıda belmibez. Minemçe atom agentlığı başta moñı ezläp tabarğa tieş.
Tabıldıq säbäple Agentlıq bälkim dä İrannı İminlek Şurasına xäber itergä mäcbür bulaçaq.Ämma älegä AQŞtan başqa illär bu xaqta fiker beyan itüdän totılıp qaldı. Rusiä kiçä İrannıñ atom bombası eşläp çığarırğa tırışuına dälil yuq digän ide.Rusiäneñ atom energiese ministırı Aleksander Rumyantsev Mäskäü kiläse ayda Buşer rekatorın yağulıq belän tämin itü turındağı kileşügä qul quyaçaq dip belderde. Waşington bu eşkä qarşılıq kürsätep kilä.Britaniä premyer ministırı T. Blair äle fiker beyan itäse urınğa Atom Agentlığnıñ kiläse ayda İran turında iğlan itäçäk xisabın kötegä buldı. Bu atnada İrannıñ atom qoralları, şulayuq , qorallarnı cäyeldermäü mäsäläse mäğlümät çaralarında östenlek itkän tema buldı.. Xalıqara Atom agentlığı citäkçse Äl Baradei Bushnıñ atom qoralları qara bazarın cimerü öndäwlären yaqlaw çıqsa da, ul AQŞ,Rusiä ,Britaniä kebek illärne qoralsızlanırğa çaqırdı.
färidä xämit,praga
färidä xämit,praga