Accessibility links

җомга, 9 декабрь 2016, Казан вакыты 22:17

Könyaq Korea Ğiraqqa ğaskär cibärä


Könyaq Korea april ayına qadär Ğiraqqa ğaskärlär kertergä cıyına. Könyaq Koreanıñ saqlanu ministrı Cho Young-kir april başında Ğiraqqa 200 keşelek maxsus köçlär kilep 3 meñlek ğaskärlärne kiterergä äzerlek çaraları küräçäk, dip belderde. Korea xärbi köçläre tönyaq Ğiraqta Kirkuk şähärendä urnaşaçaq.

Ğiraqqa ğaskär cibärü qararın bügen ilneñ milli mäclese xupladı. Tıñlawlar barğanda Seulda parlament binası yanına suğışqa protest belderü öçen 500gä yaqın keşe cıyılğan dip xäbär itelä. Könyaq Korea Ğiraqqa 500dän yaqın tabip häm belgeçlär cibärgän ide inde.

Şuşı adımı belän Könyaq Korea Ğiraqqa iñ küp ğaskär cibärüçe 3 il rätenä kerä, annan alda bu isemlektä berençe – Quşma Ştatları, ikençe urında Britaniä tora.

XS
SM
MD
LG