Accessibility links

җомга, 2 декабрь 2016, Казан вакыты 21:18

Tatnet cämäğätçelegeneñ iğtibarı «Yıl tatarı» bäygesenä yünälgän


2003nçe yılnıñ iñ mäşhür tatarın bilgeläw bäygese, bu atnada, iñ yuğarı noqtasına citte. Tawış birü barğan saytta bäxäs quptı, yıl tatarın bilgeläw bäygese turında Kazaxstan, Almaniä, Finländiä, Mäskäwdäge tatar forumnarında da süz bardı. Xätta elek tatar tematikasına ällä ni iğtibar kürsätmägän avtomobillär, televidenie saytlarında da bu xaqta fiker alışu buldı.

Tawış birü barğan http://www.yuldash.com/poll säxifäsendä dä ««Yıl tatarı» isemenä kem layıqlıraq?»-, digän temağa bäxäslär ütkän atna belän çağıştırğan tağı da qızıp kitte.

Bu atnada «Yıl tatarı» bäygese tämamlanır dip uylanılğan ide. Läkin 11nçe fevral’ könne tawış birü 3nçe tapqır başlanıp kitte. İr-atlar arasında barğan bäygedä älläni yañalıq bulmadı. Kaşapov alda buldı, annan berniçä tawışqa ğına qalışıp, Räşit Sünäyev bardı. Ä xatın-qızlar arasında alda baruçılar gel almaşıp tordı. Yä hidcap öçen köräşkän xatın-qılzar, yä Cämilä Nizametdin alğa çıqtı. Tawış birüneñ 18 fivral’gä qädär ozaytılu säbäpläre xaqındağı sorawnı oyıştıruçılarnıñ berse İrek Bikininğa birdek. Ul anı, 2nçe turda ber kemneñ dä 50% tawış cıya almawı belän añlattı.



Tawış birüne Qazanda ğına tügel, tatar internetı belän qızıqsınuçılar yäşägän dönya illärennän dä küzätep baralar. Sayttağı fiker alışular başta tatarça barğan ide, annarı urısça, xäzer inglizçä fiker belderüçelär dä päydä buldı. Qızıqsınsağız, http://www.yuldash.com/poll adresına kerep çığığız. Sannar minut sayın üzgärep bara. Şuña 18nçe fivral’gä qädär xällärneñ niçä törlegä üzgärgänen farazlap qına bula.

Adresnı qabatlıym http://www.yuldash.com/poll.



Bäyge tämamlanğannan soñ, tawış birü saytı yabılmayaçaq. Törle milli mäs’älälär turında fiker alışu öçen qullanılaçaq, dip äytte İrek Bikinin, bezneñ belän bulğan äñgämädä.



Älegä tawış birü säxifäse Yuldaş saytında urın alıp tora. Süz uñayınnan şunı da äytep kitik. http://www.yuldash.com/ säxifäseneñ idäräçese, forumda şaqtıy borçılu yazu qaldırğan ide. «Säxifä finans qıyınlıqlar kiçerä, yabılırğa da mömkin», dip. Şulay itep, älegä http://www.yuldash.com/ adresında urın alıp torğan Tatar gazetasınıñ konferensiäse häm bu tawış birü saytı da, başqa adresqa küçerelergä mömkin. Ägär şulay bula ikän, Tatnet tapşırularında, «Azatlıq» radiosı tıñlawçılarına yaña adreslarnı xäbär itärbez.

Bikä Timerova.

XS
SM
MD
LG