Accessibility links

шимбә, 3 декабрь 2016, Казан вакыты 09:43

Änkaranıñ Kipr mäs'äläsenä qaraşı açıqlanmadı


Kiprnıñ grek öleşe prezidentı Tassos Papa-dopou-los utrawnıñ berläşüe turında tınıçlıq söyläşülären başlağançı, törek öleşeneñ bergä may ayında Yevropa Berlegenä kerü teläge barmı – monı açıqlarğa kiräk, dip belderde.

Papadopoulos süzlärençä, bu atnada Berläşkän Millätlär Oyışmasında Törkiä wäkilläre belän uzdırğabn söyläşülärdän soñ da, Änkaranıñ Kipr mäs'äläsendä qaraşın üzgärtü-üzgärtmäwe añlaşılmadı. Kiçä tözelgän kileşü nigezendä, ägär dä grek häm törek öleşläre 22nçe martqa qadär kileşä almasa, Berläşkän Millätlärneñ general sekretare Kofi Annan berläşü öçen referendum yulın täqdim itäçäk, dip kötelä. Kiçä New Yorkta çığış yasap Törkiä tışqı eşlär ministrı urınbasarı Uğur Ziyal, kileşüneñ waqıtında äzer bulaçağına ömetlänüen belderde. "Başlağan eşebez , premyer-ministr süzlärençä, ciñü belän tämamlanır, dip ömetlänäbez. Bezneñ maqsatıbız – şuşı mäs'äläne çişü häm ber däwlättä tınıç yäşägän ike kürşe bulu" dide Uğur Ziyal.

Kipr 1974nçe yıldan birle grek häm törek öleşenä bülengän.

XS
SM
MD
LG