Accessibility links

җомга, 9 декабрь 2016, Казан вакыты 08:48

Ğiraq kürşeläre Ğiraqta BMO rolen arttırırğa çaqırdı


Bügen Kuwait başqalasında Ğiraq häm anıñ 6 kürşe däwläte – Jordaniä, Süriä, Söğed Ğaräpstan, Tärkiä, İran häm Kuwait wäkilläreneñ yuğarı däräcädäge cıyını tämamlandı. Utırışnıñ axırında Ğiraqta Berläşkän Millätlär Oyışmasınıñ rolen arttırırğa häm xakimiätne mömkin qadär tizräk ğiraqlılarğa tapşırırğa çaqırğan rezolüsiä qabul itelde. Belderüdä şulay uq Ğiraqta barlıq terrorçı häm qorallanğan törkemnärne yuq itergä kiräk, dielä. Rezolüsiä qabul itelgänçe Ğiraq tışqı eşlär ministrı Hoşyar Zebari – kürşe däwlätlär çiklärdäge iminlekne, çik aşa terrorçılarnıñ ber ildän ikençesenä yörüen tuqtatunı tä'min itergä tieş, dip beldergän ide. Süriä tışqı eşlär ministrı Faruq al-Şara, Süriädän Ğiraqqa şpionnar ütä almıy, dide.

XS
SM
MD
LG