Accessibility links

җомга, 2 декабрь 2016, Казан вакыты 21:16

Suğıştan elek AQŞ küzläw xezmätläre Ğıraqta küpläp üterü qoralların tabu qıyın bulaçaq dip kisätkän


USA Today isemle basmanıñ comğa sanındağı yazmağa qarağanda , AQŞ küzläw analitikları suğıştan 3 ay elek, Saddam Xösäinneñ küpläp üterü qoralları bulsa, bälkim dä alarnı ber qayçan da tabu mömkin bulmayaçaq dip beldergän. Ämma gazeta bu mäğlümät prezident G.Bushqa citkerelmäde dip yaza. AQŞ küzläw idaräseneñ eleke 2 räsmiä bu turıda radiobızğa närsä äyttelär?

Ğıraqta suğış başlanğanda saqlanu ministırı Donald Rumsfeld Saddamnıñ küpläp üterü qoralları tabılaçaq dip kenä äytmäde, ä alarnıñ Tikrit häm Bagdad tiräsendä tabılaçağın belderde.. Andıy qorallar buluına 10 ay ütkännän soñ da dälil tabıla almadı. Rumfesld 4nçe fevraldä üz äytkännären kongress komitetı aldında açıqlarğa mäcbür qalğaç qoral süzen qoral qorılmaları öçen qullanğan buluın äytte. Prezident G.Bush Bu ay başlarında yasalğan basım säbäple här ike partiä wäkillärennän torğan komisiä oyıştırırğa mäcbür buldı. Komisiä suğıştan elek Ğıraq qoralları turında küzläw xezmätläre birgän mäğlümätneñ däreslege, tögällegen tikşeräçäk. USA Today isemle gazetanıñ comğa sanına qarağanda, AQŞ küzläw xezmätläreneñ intervensiädän 3 ay elek äzerlägän yäşren xisabında, Ğıraqta küpläp üterü qoralları bälkim ber qayçan da tabılmas dip kisätelgän.Bu dokument turında gazetağa Küzläw xezmätläreneñ yuğarı däräcädäge 3räsmie beldergän. Anda AQŞ taktikası, partizan suğışı, talau, urlawlar häm Ğıraq räsmiläreneñ yalğanlawı tıyılğan qorallarnı ezläwne qıyınlaştıraçaq dip äytelgän. USA Today bu xisap Milli İminlek Şurasına tapşırılğan bulsa da, Bushqa ber qayçan da kürsätelmäde dip yaza. Ni öçem sivil häm xärbi küzläw törkemeneñ bu mäğlümäte Prezident belän urtaqlaşılmadı soñ?Elek däwlät häm saqlanu departamentları öçen küzläw materialların tikşergän Anthony Cordesman Radiobızğa birgän ängämädä min elek här kön bik küp küzläw xisapları belän eş itergä mäcbür bula idem , prezidentqa bik yaxşı dälillängän küzläw mäğlümäte genä birelergä tieş dip äytte. Cordesman süzlärençä(audio) Öyem öyem xisaplarnı qarap çığıp, alarnıñ niçäseneñ qapma qarşılıqlı, yäki speklutaiv buluın kürep, eçtäleklären tikşeräsen. Här krizis, yäki här xatadan soñ här waqıt kemnender eşne döres añlawın taba alasın häm üzen dä här närsäne döres analizlağan bulsan , ürnäkne kürä alır iden . Cordesman qullanılmağan xisapqa xäzer ähämiät birüneñ mäğnäse yuq , çönki bu prezident ğäyeplängän eşne qabatlaw bulır i, ul artığı belän saylanuçan buluda küzläw xezmätläreneñ üz teoriäsen nığıtqan xisapların ğına saylap aluda ğäyeplänä. Cordesman bolay di(audio) Nigezdä här xisap, här işarä bälkim dä däres dip qarap häm bu xisaplar niçekter yuğarıraq däräcädäge räsmigä tapşırıla dip uylap bulmıy. Pensiädäge AQŞ generale Edward Atkeson da bu fiker belän kileşä. Ul başta küzläw ofitserı bulıp ä soñraq CİA dä eşlägän. Atkeson radiobızğa prezident daimi räweştä ike küzläw xisabın uqıp kilä dide. Berse Prezidentnıñ köndälek xatı ,ikençese eçke küzläw idaräse farazları. Bu xisaplarğa nıqlap nigezlänmägän mäğlümät kertelgän ikän, bu inde bik möhim eçke yäki xalıqara qurqınıçsızlıq mäsäläsenä qarıy digän süz.Atkeson bolay di(audio) Prezidentqa köndälek xisap häm eçke küzläw farazları birelergä tieş. . Bu ike dokumentta bulmağan närsälär täqdim itü, prezidentnı kiräkmägän artıq mäğlümät belän tutıru , waqıt äräm itü digän süz bulıp tora di. Atkeson şäxsi qaraşınça, G.Bush Ğıraq tıyılğan qorallarğa iä digän mäsäläne artığı belän küpertkän.. Ämma ul xalıqara mäsälälär küzdä totmağanda prezidnetnı möhim säyäsi mäsälälärdä yaqtırtu küzläw xezmätläreneñ eşe tügel. Min tik amerikan säyäsi mänfäğätlärenä nigezlängän eşne küzläw xezmätläre kütärep çığar dip küz aldına da kiterä almim dip söyli.

färidä xämit,praga
XS
SM
MD
LG