Accessibility links

җомга, 9 декабрь 2016, Казан вакыты 02:57

Ğiraq İdarä Şurası xakimiätne amerikalılardan ğiraqlılar qulına saylawlarsız ğına küçerü yulları turında söyläşä


Ğiraqta yaqın aylarda saylawlar ütkärü mömkinlege kürenmäw säbäple Ğiraq İdarä Şurası xakimiätne amerikalılardan ğiraqlılar qulına alunıñ başqa yulların qarıy dip xäbär itelä. Şura äğzası Mäxmüt Otman Reuters agentlığına Şura suverenlıqnı üz qulına alaçaq Ğiraq citäkçelegen oyıştıru turında kileşü yulların ezli dide. Anıñ äytüençä, yä Şurağa yaña äğzalar qabul itep anı kiñäytü, yä Ğiraqtağı barlıq törkemnärne wäkillek itüçe ilküläm könferensiä cıyu mömkin bulır ide. İdarä Şurasında tışqı eşlär öçen cawaplı Xöşiär Zebari saylawlarnı 30-nçı iyüngä qädär ütkärü ütä nıq qıyın bulaçaq dide. AQŞ 30-nçı iyündä xakimiätne ğiraqlılarğa tapşırırğa cıyına. AQŞ tiz arada ğädel saylawlar ütkärü mömkin tügel dip isäpli häm bu saylawlarnı xuplamıy. Ğiraqtağı AQŞ waqıtlı idaräse başlığı Paul Bremer Waşington xakimiätneñ niçek tapşırılırğa tieşlege turında BMO xisabın kötä, añarçı yaña adımnar yasamıy toraçaq dip belderde.

XS
SM
MD
LG