Waşington Post yazuınça Qıtay bu sızımnarnı 1980-nçe yıllarda Paqstanğa birgän bulğan dip şiklänelä. Soñraq Paqstanlı cinayätçelär çeltäre ul dokumentlarnı Liviägä satqan.
Bu dokumentlarda qıtayça yazular da qullanıla. Anda atom qoralın niçek qanatlı raketağa berketerlek itep yasaw ısulı täfsilläp sürätlänä dielä.
Moñarçı küzläw xezmätläre Paqstanğa atom qoralı yasarğa Qıtay yardäm itkän dip isäpläp kilgän. Läkin belgeçlär Waşington Post gazetına Liviädä tabılğan dokumentlar borçulı dälil buldı dip äytkän.
Gazetlar yazuınça, bu dokumentlarnı xäzer AQŞ, Britaniä häm Xalıqara Atom Energiäse İdaräse belgeçläre öyränä.
Bu xäbärlär älegä räsmi räweştä raslanmıy.
